पुणे महानगरपालिकेत १०८६ रिक्त पदांना मान्यता
अत्यावश्यक सेवेसाठी सरकारचा आदेश
करोना विषाणूचे संकट दिवसेंदिवस गडद होत असल्याच्या पार्श्वभूमीवर उपमुख्यमंत्री अजित पवार यांनी महापालिकेच्या अत्यावश्यक सेवा बजावण्यासाठी रिक्त असलेल्या पदांपैकी एक हजार ८६ पदे भरण्याची परवानगी दिली आहे. वित्त विभागात गेल्या अडीच वर्षांपासून अडकलेला हा प्रस्ताव पवार यांनी अवघ्या दोन दिवसांत मार्गी लावल्याने महापालिकेत लवकरच मेगाभरती अपेक्षित आहे.
महापालिकेचा कामाचा निपटारा योग्य वेळेत होण्यासाठी आरोग्य, अग्निशमन आणि घनकचरा विभागातील अधिकारी, कर्मचारी, डॉक्टर, पॅरामेडिकल स्टाफ यांची भरती करण्याचा प्रस्ताव ८ नोव्हेंबर २०१७ला राज्य सरकारला सादर करण्यात आला होता. पालिकेने वर्ग एक ते चार यामध्ये १८९३ पदे रिक्त असल्याचे प्रस्तावात नमूद केले आहे. त्यापैकी ७५ टक्के म्हणजे १२४८ पदे भरण्यास परवानगी द्यावी, अशी मागणी केली होती. राज्य सरकारने त्यापैकी एक हजार ८६ पदे भरण्यास परवानगी दिल्याचे सूत्रांनी सांगितले. राज्य सरकारने मंजुरी दिल्याचा आदेश महापालिकेला प्राप्त झाला आहे.
अन्य महत्वाच्या भरती
✅पोलीस भरती २०२४ अपेक्षित प्रश्नसंच सोडवा!- मोफत टेस्ट सिरीज २०२४
✅कर्मचारी निवड आयोग (SSC)अंतर्गत 2049 पदांची मोठी भरती सुरू; ऑनलाईन अर्ज करा!
✅पोलीस भरती शिपाई टेस्ट सिरीज 2024!
✅महाराष्ट्रात दक्षिण पूर्व मध्य रेल्वे मध्ये नोकरीची मोठी संधी!! 861 पदांची भरती!
✅इंडियन बँक मध्ये नोकरीची उत्तम संधी!! 148 विविध रिक्त पदांची नवीन भरती सुरु
✅⏰महाराष्ट्र पोलीस कॉन्स्टेबल तयारीसाठी महत्वाच्या टिप्स!!
✅१० वी, १२ वी पास उमेदवारांसाठी नोकरीच्या भरपूर संधी !!
✅आरोग्य विभाग, पोलीस, तलाठी, ZP,वन विभाग आणि अन्य भरतीचे सराव पेपर्स चे App
‘करोना’च्या पार्श्वभूमीवर पालिकेला डॉक्टरांची उणीव भासत असल्याने अतिरिक्त आयुक्त रुबल अग्रवाल यांनी प्रस्ताव मंजूर करण्याची गरज पवार यांच्या निर्दशनास आणून दिली. पवार यांनी प्रस्तावाची तत्काळ माहिती घेऊन वित्त विभागाच्या अतिरिक्त मुख्य सचिवांना पालिकेचा प्रश्न मार्गी लावण्याची सूचना केली. त्यानुसार एक हजार ८६ पदे भरण्यास परवानगी देण्यात आली आहे.
मान्य करण्यात आलेली पदे
- गट अ : १२३
- गट ब : ९२
- गट क : ४०३
- गट ड : ४६८
‘ही काळजी घ्या’
महापालिकेने रिक्त पदे भरताना आस्थापना खर्च हा ३५ टक्क्यांपेक्षा अधिक होणार नाही, याची काळजी घेण्याचे आवाहन करण्यात आले आहे. तसेच, वित्त विभागाच्या धोरणानुसार, ‘गट क’ आणि ‘गट ड’मधील सर्व पदे नियमित भरण्याऐवजी सहजरित्या जी कामे यंत्रणेकडून शक्य असल्यास ती करून घ्यावीत, अशी विशेष सूचनाही सरकारने या पदांची मान्यता देताना केली आहे.
How to apply this ,what is website to collect information regarding this posts