SRPF Solapur Application 2026

Solapur SRPF Group 10 Police Bharti 2026: उपरोक्त संदर्भीय विषयास अनुसरून कळविण्यात येते की, या आस्थापनेवरील सध्या रिक्त असलेली तसेच आगामी काळात विविध कारणांमुळे रिक्त होणारी पदे भरण्याच्या अनुषंगाने ‘सशस्त्र पोलीस शिपाई भरती २०२६’ आयोजित करण्यात येणार आहे

सदर ‘सशस्त्र पोलीस शिपाई भरती २०२६’च्या अनुषंगाने या आस्थापनेवरील रिक्त पदांची अचूक माहिती संकलित करून पदनिहाय आकडेवारी निश्चित करण्याची कार्यवाही या कार्यालयामार्फत सुरू आहे. सदर माहिती तयार करताना सध्या रिक्त असलेल्या पदांसोबतच आगामी काळात सेवानिवृत्ती, आंतरजिल्हा बदली तसेच आंतरगट बदलीमुळे रिक्त होणारी संभाव्य पदेही विचारात घेणे आवश्यक आहे.

त्या अनुषंगाने, प्रतिनियुक्तीचा कालावधी वगळता संबंधित गट आस्थापनेवर ५ वर्षांचा सेवा कालावधी पूर्ण केलेल्या सशस्त्र सहायक पोलीस उपनिरीक्षक ते सशस्त्र पोलीस शिपाई (ASI to PC) यांची आंतरगट बदलीच्या अनुषंगाने माहिती मागविण्यात येत आहे. संबंधितांनी खालील नमूद विवरणपत्रात आवश्यक माहिती अचूकपणे नमूद करून, विनंती अर्जासह दिनांक ३०/०८/२०२६ रोजी १६.०० वाजेपर्यंत By-Hand आस्थापना शाखेत सादर करणे बंधनकारक राहील.