Maharashtra Rojgar melava: नोकरीच्या शोधात असलेल्या तरुण-तरुणींसाठी मोठी आणि महत्त्वाची बातमी समोर आली आहे. जिल्हा कौशल्य विकास, रोजगार व उद्योजकता मार्गदर्शन केंद्र, मुंबई शहर यांच्या पुढाकाराने पंडित दीनदयाळ उपाध्याय विश्वविक्रमी ‘रोजगार महाकुंभ-महाराष्ट्र’ आयोजित करण्यात आला आहे. 29 सप्टेंबर 2026 रोजी मुंबई शहरातील तब्बल 10 विविध केंद्रांवर रोजगार मेळावे आयोजित केले जाणार आहेत. या उपक्रमाच्या माध्यमातून विविध शैक्षणिक पात्रता आणि कौशल्य असलेल्या उमेदवारांना थेट कंपन्यांशी संपर्क साधण्याची तसेच उपलब्ध रोजगाराच्या संधी जाणून घेण्याची संधी मिळणार आहे. मुंबईतील जास्तीत जास्त बेरोजगार युवक-युवतींनी या रोजगार महाकुंभात सहभागी होण्यासाठी पूर्व-नोंदणी करण्याचे आवाहन सहायक आयुक्त सुनील पवार, जिल्हा कौशल्य विकास, रोजगार व उद्योजकता यांनी केले आहे.

मुंबईतील 10 केंद्रांवर रोजगार मेळावा

मुंबई शहरातील विविध भागांमध्ये वेगवेगळ्या उद्योग आणि रोजगार क्षेत्रांवर लक्ष केंद्रित करून रोजगार मेळावे घेण्यात येणार आहेत. त्यामुळे उमेदवारांना त्यांच्या शिक्षण आणि कौशल्याशी संबंधित संधी शोधणे अधिक सोपे होणार आहे.

कोणत्या उमेदवारांना सहभागी होता येणार?

या रोजगार महाकुंभासाठी विविध शैक्षणिक पात्रता असलेल्या उमेदवारांना सहभागी होता येणार आहे. 10वी, 12वी उत्तीर्ण, पदवीधर, पदव्युत्तर, आयटीआय, डिप्लोमा तसेच इतर व्यावसायिक कौशल्य असलेले पात्र उमेदवार या उपक्रमाचा लाभ घेऊ शकतात. विशेष म्हणजे केवळ रोजगार मेळावाच नव्हे, तर उमेदवारांच्या नोकरी मिळवण्याच्या तयारीवरही या उपक्रमात भर देण्यात आला आहे. त्यामुळे नोकरीच्या मुलाखतीसाठी आवश्यक असलेली कौशल्ये विकसित करण्याची संधी उमेदवारांना मिळणार आहे.

मोफत प्रशिक्षणाचा लाभ मिळणार

उमेदवारांनी रोजगार महाकुंभासाठी पूर्व-नोंदणी करणे आवश्यक आहे. नोंदणी केलेल्या उमेदवारांना मोफत नोकरीपूर्व प्रशिक्षण दिले जाणार आहे. या प्रशिक्षणासाठी कोणतेही शुल्क आकारले जाणार नाही. या प्रशिक्षणामध्ये मुलाखतीची तयारी, संवाद कौशल्य, व्यक्तिमत्त्व विकास आणि सॉफ्ट स्किल्स यांसारख्या महत्त्वाच्या बाबींवर मार्गदर्शन केले जाणार आहे. त्यामुळे फ्रेशर्स तसेच नोकरीच्या शोधात असलेल्या उमेदवारांसाठी हा उपक्रम उपयुक्त ठरू शकतो.

उमेदवारांनी अशी करावी पूर्व-नोंदणी

रोजगार मेळाव्यात सहभागी होऊ इच्छिणाऱ्या उमेदवारांनी खालील लिंकवर जाऊन आपली पूर्व-नोंदणी पूर्ण करावी.

🔗 उमेदवार नोंदणी लिंक : नोंदणी करण्यासाठी येथे क्लिक करा

नोंदणी केल्यानंतर उमेदवारांना रोजगार मेळावा आणि प्रशिक्षणाशी संबंधित आवश्यक माहिती मिळण्यास मदत होईल.

कंपन्या आणि उद्योजकांसाठीही संधी

या रोजगार महाकुंभात केवळ उमेदवारच नव्हे, तर मुंबई शहर आणि परिसरातील खासगी कंपन्या, कॉर्पोरेट संस्था, बँकिंग, रिटेल, आयटी, मॅन्युफॅक्चरिंग आणि सेवा क्षेत्रातील उद्योजकांनाही सहभागी होण्याचे आवाहन करण्यात आले आहे. आपल्या आस्थापनेमध्ये उपलब्ध असलेल्या रिक्त पदांची माहिती संबंधित कंपन्या आणि उद्योजकांनी नोंदवावी, जेणेकरून रोजगाराच्या शोधात असलेल्या उमेदवारांना उपलब्ध संधींची माहिती मिळू शकेल.

🔗 कंपन्यांसाठी रिक्त पदांची नोंदणी : रिक्त पदांची माहिती नोंदवण्यासाठी येथे क्लिक करा

तरुण-तरुणींनी संधी दवडू नये

29 सप्टेंबर 2026 रोजी मुंबईतील 10 केंद्रांवर होणारा हा रोजगार महाकुंभ नोकरीच्या शोधात असलेल्या युवक-युवतींसाठी महत्त्वाचा ठरू शकतो. विविध क्षेत्रांतील रोजगार संधी, कंपन्यांशी संपर्क आणि त्यासोबतच मोफत कौशल्य प्रशिक्षण अशी या उपक्रमाची वैशिष्ट्ये आहेत. त्यामुळे मुंबई शहरातील बेरोजगार युवक-युवती तसेच रोजगाराच्या शोधात असलेल्या पात्र उमेदवारांनी वेळेत पूर्व-नोंदणी करून या रोजगार महाकुंभाचा लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या वतीने करण्यात आले आहे.

राज्यात युवक-युवतींना रोजगाराच्या जास्तीत जास्त संधी उपलब्ध करून देण्यासाठी कौशल्य, रोजगार, उद्योजकता व नाविन्यता विभागाच्या वतीने ३१ मार्च २०२७ पर्यंत एक हजार रोजगार मेळाव्यांचे आयोजन केले जाणार आहे. या रोजगार मेळाव्यांची व्यापक माहिती गरजू तरुणांपर्यंत पोहोचण्यासाठी समाजातील सर्व घटकांना सोबत घेऊन काम करणे गरजेचे असल्याचे मत कौशल्य विकास व उद्योजकतामंत्री मंगलप्रभात लोढा यांनी व्यक्त केले. कौशल्य, रोजगार, उद्योजकता व नाविन्यतामंत्री मंगलप्रभात लोढा यांच्या अध्यक्षतेखाली मंत्रालयात राज्यस्तरीय रोजगार मेळावा समितीची बैठक पार पडली. मंत्री लोढा म्हणाले की, आयटीआय व्यतिरिक्त इतर कॉलेजमधील विद्यार्थी, अपस्कीलिंगची गरज असणारे तरुण आणि सामाजिक संस्थांशी संपर्क साधून रोजगार मेळाव्याच्या संपूर्ण कार्यक्रमाची व्यापक प्रसिद्धी करावी. तसेच राज्यातील प्रत्येक जिल्ह्यात व तालुक्यात याची माहिती दिली जाईल. आयटीआयखेरीज इतर कॉलेजचे विद्यार्थी, अपस्किलिंगची गरज असणारे तरुण आणि सामाजिक संस्थांशी संपर्क साधून मेळाव्याची व्यापक प्रसिद्धी करावी. प्रत्येक जिल्हा व तालुक्यात तरुणांना रोजगाराचे महत्व आणि स्वयंरोजगाराचे फायदे पटवून देण्यासाठी तज्ज्ञ व्यक्ती व एनजीओंमार्फत समुपदेशन केले जाईल. यात पर्सनॅलिटी डेव्हलपमेंट, शिष्टाचार, बायोडाटा तयार करणे आणि संभाषण कौशल्यांवर भर दिला जाईल. त्यानंतर इलेट्रिसिटी, प्लंबिंग, रिसेप्शनिस्ट आणि मार्केटिंगसारख्या क्षेत्रांत थेट प्रात्यक्षिक दिले जाईल, असे मंत्री लोढा यांनी सांगितले. तसेच महाराष्ट्रातील विविध शहरातील रोजगार मेळावा या लिंकवर उपलब्ध आहेत. 

तरुणांना रोजगाराचे महत्व आणि स्वरोजगाराचे फायदे पटवून देण्यासाठी तज्ज्ञ व्यक्ती व एनजीओंच्या माध्यमातून समुपदेशन केले जाईल. पहिल्या आठवड्यात पर्सनॅलिटी डेव्हलपमेंट, एटीकेट (शिष्टाचार), बायोडाटा तयार करणे आणि संभाषण कौशल्यांवर भर दिला जाईल. दुसऱ्या आठवड्यामध्ये विद्यार्थ्यांच्या अॅप्टिट्यूड टेस्टनुसार इलेक्ट्रसिटी, प्लंबिंग, रिसेप्शनिस्ट आणि मार्केटिंग यांसारख्या क्षेत्रांत थेट प्रात्यक्षिक दिले जाईल, असे त्यांनी सांगितले. मेळाव्यापूर्वी उमेदवारांना कौशल्य व पूर्वप्रशिक्षण देणे अत्यंत आवश्यक मंत्री लोढा म्हणाले की, केवळ रोजगार मेळावे आयोजित न करता उमेदवारांना पूर्व-प्रशिक्षण देणे अत्यंत आवश्यक आहे. रोजगार मेळाव्यापूर्वी उमेदवारांना दोन आठवड्यांचे कौशल्य व पूर्व-रोजगार प्रशिक्षण दिले जावे. उमेदवारांना योग्य मार्गदर्शन व प्रशिक्षण मिळाल्यास मेळाव्यांमधील लक्षणीयरित्या वाढेल. या उपक्रमाच्या नियोजनासाठी आणि अमलबजावणीसाठी संबंधित विभागाचे अधिकारी व प्रदेश निवडीचे प्रमाण समन्वय समिती यांनी एकत्रितपणे काम करण्याच्या सूचना देण्यात आल्या आहेत. समन्वय समिती व विभागीय अधिकाऱ्यांची संयुक्त बैठक घेऊन मेळावे यशस्वी करूया. समाजातील सर्व घटकांचा सहभाग वाढवून रोजगार निर्मितीची प्रक्रिया अधिक व्यापक आणि परिणामकारक बनवण्यावर भर देण्यात यावा. समितीतील सर्व सदस्यांनी या मोहिमेत सक्रीय सहभागी होऊन युवकांना रोजगाराच्या संधी उपलब्ध करून देऊया.

जिल्हानिहाय रोजगार मेळाव्याच्या लिंक