Wipro Recruitment 2025

देशातील दोन आघाडीच्या आयटी कंपन्यांनी कॅम्पसमधून सुमारे 32,000 कर्मचाऱ्यांची भरती करण्याची योजना आखली आहे. Infosys आर्थिक वर्ष 2026 मध्ये 20,000 फ्रेशर्सची नियुक्ती करणार आहे, तर विप्रोने 10,000 ते 12,000 फ्रेशर्सची नियुक्ती करण्याची योजना आखली आहे. शुक्रवारी तिसऱ्या तिमाहीचे निकाल जाहीर करताना विप्रोने ही माहिती दिली. आयटी क्षेत्रांत मागणी वाढत असल्याचे हे संकेत आहेत. विप्रोचे अधिकारी सौरभ गोविल म्हणाले की, कंपनी दरवर्षी 10,000-12,000 फ्रेशर्सची भरती करेल. ते म्हणाले की, यावर्षी कॅम्पसमधून 10,000 फ्रेशर्सची भरती केली जाईल. तिसऱ्या तिमाहीत, कंपनीने कॅम्पसमधून सुमारे 7,000 फ्रेशर्स भरती केली आहे.

पुढील तिमाहीत 2,500-3,000 फ्रेशर्सची भरती करण्याची योजना आहे. ते म्हणाले की, आम्ही जेवढे काम देऊ शकतो तेवढ्याच ऑफर देत आहोत. नवीन भरतीसाठी विप्रो कृत्रिम बुद्धिमत्ता (AI) वापरण्याची देखील योजना आखत आहे. चालू आर्थिक वर्ष 2024-25 च्या तिसऱ्या तिमाहीत विप्रोचा निव्वळ नफा वार्षिक आधारावर 24.4 टक्क्यांनी वाढून सुमारे 3,354 कोटी रुपये झाला आहे. विप्रोने शुक्रवारी शेअर बाजाराला दिलेल्या माहितीत सांगितले की, कंपनीचा महसूल 0.5 टक्क्यांनी वाढून सुमारे 22,319 कोटी रुपये झाला आहे. Infosys आणि TCS सारख्या भारतातील इतर मोठ्या आयटी कंपन्याही येत्या आर्थिक वर्षात फ्रेशर्सची भरती करणार आहेत. Infosys ने FY26 मध्ये 20,000 हून अधिक फ्रेशर्सची भरती करण्याची घोषणा केली आहे, तर TCS ने देखील भरती वाढवण्याचे संकेत दिले आहेत.

देशातील प्रसिद्ध आयटी कंपनी विप्रो नवीन कर्मचारी भरती करण्याच्या तयारीत आहे. गेल्या सहा तिमाहीत कंपनीच्या कर्मचाऱ्यांच्या संख्येत सातत्याने घट होत आहे. पहिल्या तिमाहीत कंपनीने केवळ 337 नवीन कर्मचारी भरती केले होते. विप्रो कंपनी नवीन पदवीधरांना नोकरी देण्यासाठी कॉलेज कॅम्पसला भेट देणार आहे. यामध्ये फक्त मोठ्याच नाहीतर छोट्या कॉलेजमधूनही कर्मचाऱ्यांची भरती केली जाणार आहे. विप्रो कंपनी सुमारे 22,000 फ्रेशर्स भरती करण्याची शक्यता आहे. ही नोकर भरती प्रोजेक्ट इंजिनीयर पदासाठी करण्यात येणार आहे. या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

विप्रो कंपनी तीन भागात कॅम्पसमधून फ्रेशर्सची नियुक्ती करते. पहिल्या श्रेणीत ‘स्टार’ फ्रेशर्स येतात, ज्या अंतर्गत पदवीधरांना वर्षाला सुमारे 10.5 लाख पगार दिला जातो. यानंतर ‘टर्बो’ श्रेणी आहे, ज्या अंतर्गत पदवीधरांना वर्षाला 6.5 लाखांपेक्षा जास्त वेतन दिले जाते. सर्वात कमी श्रेणी म्हणजे ‘एलिट’, ज्या अंतर्गत पदवीधरांना वर्षाला 3.5 लाख पगार दिला जातो. विप्रो नवीन पदवीधरांना पत्र देईल जे मुलाखती आणि इतर पाच फेऱ्या पूर्ण करतील. निवडलेल्या पदवीधरांना नंतर 8-12 आठवड्यांसाठी प्रशिक्षण देण्यात येणार आहे. प्रशिक्षण पूर्ण झाल्यावरच पदवीधरांना विप्रोमध्ये ऑनबोर्ड केले जाईल.मागील दोन वर्षांच्या तुलनेत 2025च्या बॅचसाठी आयटी कंपन्यांकडून नोकर भरती वाढण्याची अपेक्षा आहे, असे सविता राणी एम (प्रशिक्षण आणि प्लेसमेंट अधिकारी) यांनी मिंट वृत्तपत्राला सांगितले आहे. Infosys या वर्षी 20,000 फ्रेशर्सची नियुक्ती करेल अशी अपेक्षा आहे, तर भारतातील सर्वात मोठी IT कंपनी Tata Consultancy Services Ltd (TCS), 40,000 पदवीधरांना नियुक्त करेल अशी अपेक्षा आहे.

Tata Consultancy Services (TCS) या एकमेव IT कंपनीने गेल्या वर्षी कॅम्पसला भेट देऊन नोकर भरती केली होती. पण आता कंपन्यांमध्ये कामाचा ताण वाढत आहे कारण कंपन्यांच्या मागणीत वाढ होत आहे, अशा परिस्थितीत विप्रोने प्लेसमेंटची योजना आखली आहे. विप्रोमधील ही नवीन भरती आयटी क्षेत्रासाठी सकारात्मक संकेत आहे. यामुळे नवीन नोकऱ्या शोधत असलेल्या पदवीधरांना याचा फायदा होणार आहे.