मित्रांनो, आपल्याला माहीतच असेल लवकरच युनिफाइड पेन्शन (Unified Pension Scheme 2025) लागू होणार आहे. नेमका यात काय आहे? हि योजना आपल्या फायद्याची आहे का? हे जाणून घेउया. तर युनिफाइड पेन्शन स्कीम किंवा “एकसमान पेन्शन योजना” असं मराठीत बोलता येईल. ह्या योजनेचा उद्देश म्हणजे सर्व सार्वजनिक क्षेत्रातील कर्मचाऱ्यांसाठी एकसमान पेन्शन प्रणाली प्रदान करणे, ज्यामुळे विविध प्रकारच्या पेन्शन योजनांमधील असमतोल कमी होईल आणि सर्व कर्मचाऱ्यांना समान लाभ मिळवता येईल.

हि नवीन योजना एप्रिल 2025 पासून लागू होणार आहे. नवीन पेन्शन योजना पर्यायी असणार आहे. कर्मचाऱ्यांना NPS आणि UPS दोघांपैकी एक पर्याय निवडण्याचा अधिकार असणार आहे. पंतप्रधान नरेंद्र मोदी यांनी एप्रिल 2023 मध्ये या सुधारणांसाठी डॉ.सोमनाथन यांच्या अध्यक्षतेखाली एक समिती स्थापन केली होती. या समितीने 100 हून अधिक सरकारी कर्मचारी संघटनांशी तसेच जवळपास सर्वच राज्यांशी चर्चा केली.

राज्य सरकारी कर्मचाऱ्यांच्या संघटनांनाही प्राधान्य देण्यात आले. समितीच्या शिफारशीच्या आधारे सरकारने नवीन पेन्शन योजनेला मान्यता दिली आहे. या योजनेमुळे सरकारी तिजोरीवर पहिल्या वर्षी 800 कोटींचा बोजा पडणार असून त्यानंतर सुमारे 6000 कोटींचा बोजा पडणार आहे.

कशी असेल नवीन पेन्शन योजना?

• जर एखाद्या कर्मचाऱ्याने किमान 25 वर्षे काम केले असेल, तर त्याला निवृत्तीपूर्वीच्या शेवटच्या 12 महिन्यांच्या बेसिक पगाराच्या किमान 50 टक्के पेन्शन नक्कीच मिळेल.
• जर कर्मचाऱ्याने 10 वर्षांनी नोकरी सोडली तर कर्मचाऱ्यांना 10,000 रुपये पेन्शन मिळेल.
• सध्या कर्मचाऱ्यांचा 10 टक्के वाटा आहे तर केंद्र सरकारचा 14 टक्के हिस्सा आहे. मात्र यापुढे केंद्र सरकार 18 टक्के हिस्सा असेल.
• 1 जानेवारी 2004 नंतर रुजू झालेल्या परंतु सेवानिवृत्त झालेल्या कर्मचाऱ्यांनाही ही नवीन योजना लागू होईल.
• कर्मचाऱ्यांना NPS किंवा UPS यापैकी एक निवडण्याचा पर्याय असेल.

या योजनेबद्दल अधिक माहिती जाणून घ्या 

युनिफाइड पेन्शन योजना काय आहेत फायदे आणि तोटे जाणून घ्या!