Pradnya Shodh Pariksha 

Pradnya Shodh Pariksha : Due to the availability of funds from the Zilla Parishad cess, the Pragya Shodh examination has got a moment. The central level screening examination will be held on 22nd April. The taluka level selection test will be held on April 29. Further details are as follows:-

Rashtriya Pradnya Shodh Pariksha 2022

जिल्हा परिषदेतर्फे इयत्ता चौथी व सातवीच्या विद्यार्थ्यांसाठी घेतली जाणारी प्रज्ञाशोध परीक्षा यंदा निधीअभावी रखडली होती. अखेर जिल्हा परिषदेच्या सेसमधून निधी उपलब्ध झाल्यामुळे प्रज्ञाशोध परीक्षेला मुहूर्त मिळाला आहे. केंद्रस्तरावरील चाळणी परीक्षा 22 एप्रिलला होणार आहे. तर तालुकास्तरावरील निवड परीक्षा 29 एप्रिलला होईल. 

या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

परीक्षेची पूर्वतयारी करण्याच्या सूचना जिल्हा परिषदेच्या शिक्षण विभागाने तालुकास्तरावर दिल्या आहेत. जिल्हा परिषदेच्या शाळांतील विद्यार्थ्यांच्या बुद्धीला चालना मिळावी, या उद्देशाने प्रज्ञाशोध परीक्षा घेतली जाते. पण, दरवषी मार्च महिन्यात होणारी हि परीक्षा यंदा रखडली होती.

Rashtriya Pradnya Shodh Pariksha: १६ जानेवारीला होणार परीक्षा; विद्यार्थी, शाळा, संस्थांनी अर्ज करावेत !

महाराष्ट्र राज्य परीक्षा परिषदेतर्फे घेण्यात येणारी राज्यस्तरीय राष्ट्रीय प्रज्ञा शोध (एनटीएस) परीक्षा १३ डिसेंबर रोजी होणार आहे. इयत्ता दहावीत शिकत असलेले विद्यार्थी यासाठी पात्र आहेत. त्यांना ऑनलाइन पद्धतीने अर्ज करता येतील.

या परीक्षेसाठी नियमित शुल्कासह २५ ऑक्‍टोबरपर्यंत अर्ज करता येतील. विलंब शुल्कासह २६ ते ३० ऑक्टोबर दरम्यान, तर अतिविलंब शुल्कासह ३१ ऑक्‍टोबर ते ४ नोव्हेंबर या कालावधीत विद्यार्थी अर्ज करू शकतील. राष्ट्रीय स्तरावरील परीक्षा पुढील वर्षी १३ जून रोजी होईल, अशी माहिती महाराष्ट्र राज्य परीक्षा परिषदेचे आयुक्त तुकाराम सुपे यांनी दिली.

प्रज्ञावंत विद्यार्थ्यांचा शोध घेऊन त्यांना अधिकाधिक विद्यार्जनासाठी प्रोत्साहित करणे हे या योजनेचे उद्दिष्ट आहे. राष्ट्रीय परीक्षेतून देशभरातील २००० प्रज्ञावंत विद्यार्थ्यांची निवड केली जाते. त्यांना दरमहा शिष्यवृत्तीच्या स्वरूपात आर्थिक मदत करण्यात येते. मूलभूत विज्ञान, सामाजिक शास्त्र आणि वाणिज्य शाखांमध्ये पीएचडी पदवी प्राप्त करेपर्यंत विद्यार्थ्यांना दरमहा शिष्यवृत्ती दिली जाते. मात्र, इंजिनीअरिंग, वैद्यकीय, व्यवस्थापन आणि विधी या विद्याशाखांमधील व्यावसायिक अभ्यासक्रमासाठी शिष्यवृत्ती पदव्युत्तर पदवी पर्यंतच दिली जाते.
इयत्ता दहावीसाठी राष्ट्रीय प्रज्ञाशोध परीक्षा १६ जानेवारी २०२२ (रविवार) रोजी घेण्यात येणार आहे. यासाठी ऑनलाइन नियमित आवेदनपत्रे १६ ते ३० नोव्हेंबर या दरम्यान १५० रूपये शुल्क, ऑनलाइन विलंब आवेदनपत्रे १ ते ७ डिसेंबर या कालावधीत २७५ रूपये शुल्कासह, तर ऑनलाइन अतिविलंब आवेदनपत्र ८ ते १३ डिसेंबर या दरम्यान ४०० रूपये शुल्कासह तसेच ऑनलाइन अतिविलंब आवेदनपत्र भरण्यासाठी शाळा, संस्था जबाबदार असतील तर त्यांनी ५२५ रूपये भरून ८ ते १३ डिसेंबर या दरम्यान भरावे, असे आवाहन महाराष्ट्र राज्य परीक्षा परिषदेचे आयुक्त तुकाराम सुपे यांनी केले आहे.

महाराष्ट्रातील प्रज्ञावान विद्यार्थी शोधण्याच्या दृष्टीने या परीक्षेचे महत्त्व अनन्यसाधारण आहे. संपूर्ण देशात दहावी परीक्षेतील गुणवत्तेच्या आधारे २००० विद्यार्थ्यांना शिष्यवृत्ती प्रदान करण्यात येतात. राष्ट्रीय शैक्षणिक संशोधन व प्रशिक्षण परिषद यांच्या नियमांच्या अधिन राहुन प्रत्येक शिष्यवृत्ती धारकाला इयत्ता ११ वी आणि १२ वी पर्यंत एक हजार २५० रूपये, तर सर्व शाखांच्या प्रथम पदवीपर्यंत (उदा. बी.ए., बी. कॉम, आणि बी. एससीपर्यंत) दोन हजार रूपये, सर्व शाखांच्या द्वितीय पदवीपर्यंत (पदव्युत्तर पदवीपर्यंत) दोन हजार रूपये तसेच पीएच.डी साठी चार वर्षांपर्यंत (व्यावसायिक अभ्यासक्रम वगळून इतर शाखांसाठी) विद्यापीठ अनुदान आयोगाच्या नियमानुसार शिष्यवृत्तीची रक्कम देण्यात येते, असे तुकाराम सुपे यांनी सांगितले.

अशी असे परीक्षा…

राष्ट्रीय प्रज्ञाशोध परीक्षेत बौद्धिक क्षमता चाचणी पेपर १०० प्रश्न १०० गुणांसाठी विचारले जातात. कालावधी दोन तास (सकाळी १०.३० ते १२.३०) तसेच पात्रता गुण प्रत्येक विषयात किमान ४० टक्के गुण हवे. तर शालेय क्षमता चाचणी पेपरमध्ये १०० प्रश्न १०० गुणांसाठी विचारले जातात. यासाठी दोन तासांचा कालावधी (१.३० ते ३.३०) दिला जातो. या पेपरलाही ४० टक्के पात्रता गुण आवश्यक आहे.