Pavitra Portal Shikshak Bharti 2025

राज्यातील खासगी अनुदानित व जिल्हा परिषदांच्या शाळांमधील शिक्षक भरतीचा दुसरा टप्पा आता सुरु झाला आहे. राज्याच्या शालेय शिक्षण विभागाने भरती प्रक्रिया तातडीने सुरु करण्यासाठी पवित्र पोर्टल विकसीत करण्याचे काम तलिस्मा कार्पोरेट प्रा. लि. या कंपनीला दिले आहे. जानेवारीअखेर रिक्त पदांच्या जाहिराती पवित्र पोर्टलवर अपलोड होतील आणि जूनअखेर भरती प्रक्रिया पूर्ण होईल, असे नियोजन शालेय शिक्षण विभागाने केले आहे. राज्य शासनाने नवीन राष्ट्रीय शैक्षणिक धोरणाच्या अनुषंगाने राज्य अभ्यासक्रम आराखडा यापूर्वीच मंजूर केला आहे. आता पहिल्यांदा आगामी शैक्षणिक वर्षापासून पहिली व दुसरीचा अभ्यासक्रम बदलणार असून या वर्गांची पाठ्यपुस्तक निर्मिती पूर्ण झाली आहे. जानेवारीअखेर त्या पुस्तकांची छपाई सुरु होईल. मराठी शाळांमध्ये आता ‘सीबीएसई’प्रमाणेच अभ्यासक्रम असणार असून त्यादृष्टीने नियोजन पूर्ण झाले आहे. शाळांच्या गुणवत्ता वाढीसाठी पटसंख्येच्या प्रमाणात विद्यार्थ्यांना शिकविण्यासाठी पुरेसे शिक्षक आवश्यक आहेत. या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

नूतन शिक्षणमंत्री दादा भुसे यांनी शिक्षक भरतीचा दुसरा टप्पा लवकरच राबविला जाईल, असे काही दिवसांपूर्वी जाहीर केले होते. त्यानुसार आता शालेय शिक्षण विभागाची कार्यवाही सुरु झाली आहे. जानेवारीअखेर जिल्हा परिषदांसह खासगी अनुदानित शाळांमधील रिक्त पदांच्या जाहिराती अपलोड करणे सुरु होईल. त्यानंतर फेब्रुवारी व मार्चमध्ये पात्र उमेदवारांकडून सेल्फ सर्टिफिकेट भरून घेतले जाईल आणि शेवटच्या टप्प्यात त्यांची गुणवत्ता यादी प्रसिद्ध केली जाईल. त्यात गुणवत्तेनुसार संबंधित उमेदवारांना नियुक्ती दिली जाणार असल्याचे शालेय शिक्षण विभागाकडून सांगण्यात आले.

पहिल्या टप्प्यातील पदभरतीनंतरही शिक्षक संवर्गातील मोठ्या प्रमाणावर रिक्त असलेल्या जागांची भरती करण्यासाठी दुसरा टप्पा राबविण्यास शासनाची मान्यता प्रदान करण्यात आली आहे. यासाठी शिक्षक संघटना, लोकप्रतिनिधींमार्फत सातत्याने विचारणा होत आहे. त्यामुळे पदभरतीची तातडी असल्याने व पहिल्या टप्प्यात तलिस्मा कार्पोरेट प्रा. लि. कंपनीने चांगले काम केल्याचे विचारात घेऊन याच कंपनीस एक वर्ष अथवा मुलाखतीशिवाय व मुलाखतीसह या दोन प्रकारातील किमान एक जाहिरात यापैकी जे नंतर घडेल, त्या कालावधीसाठी मुदतवाढ देण्यात आली आहे. या कंपनीला शासनाकडून ६८ लाख ८४ हजार १२० रुपये दिले जाणार आहेत.

राज्यातील शाळांमध्ये पवित्र पोर्टलच्या माध्यमातून दुसऱ्या टप्प्यातील शिक्षक भरतीची प्रक्रिया लवकरच सुरू केली जाईल. शालेय शिक्षण हे आनंददायी आणि गुणवत्तापूर्ण मिळावे, यासाठी आमचा कायम आग्रह आहे. एकही विद्यार्थी शिक्षणापासून वंचित राहणार नाही, यासाठी राज्यातील शाळांमध्ये पवित्र पोर्टलच्या माध्यमातून दुसऱ्या टप्प्यातील शिक्षक भरतीची प्रक्रिया लवकरच सुरू केली जाईल, अशी माहिती शालेय शिक्षण मंत्री दादा भुसे यांनी मुंबईत दिली. राज्यातील शाळा संस्थाचालकांच्या प्रतिनिधींसोबत यशवंतराव चव्हाण सेंटर येथे घेतलेल्या आढावा. बैठकीत भुसे यांनी ही घोषणा केली. यावेळी शिक्षण आयुक्त सचिंद्र प्रताप सिंह, राज्य शैक्षणिक संशोधन व प्रशिक्षण परिषदेचे संचालक राहुल रेखावार, प्राथमिक शिक्षण संचालक शरद गोसावी, माध्यमिक शिक्षण संचालक संपत सूर्यवंशी आदींसह राज्यातील ७५ हून अधिक संस्थाचालक उपस्थित होते. पवित्र पोर्टलवरून शिक्षक भरतीच्या दुसऱ्या टप्प्यातील भरती आणि त्याचे काम सुरू लवकरच होईल, असे सांगत अजूनही राज्यातील काही संस्थाचालक आपल्या शाळांमधील माहिती ही पवित्र पोर्टलकडे देत नाहीत, त्यावर भुसे यांनी नाराजी व्यक्त केली.

एकीकडे आदिवासी पाड्यांवर असलेल्या शाळांतील मुले गुणवत्ता सिद्ध करत असताना अनेक शाळांमध्ये पाचवी-सहावीतील विद्यार्थ्यांना वाचता येत नाही. हे प्रश्न कसे सोडवता येतील, यासाठी एकत्रित येऊन काम करण्याचे आवाहन भुसे यांनी संस्थाचालकांना केले. ते म्हणाले, तालुका आणि जिल्हा पातळीवर विषय सुटतील, असा प्रयत्न केला जाईल. संचालक आणि शाळांच्या कामासाठी विभागाकडून जाणीवपूर्वक त्रास होणार नाही. तसेच भौतिक सुविधांची माहिती घेऊन त्याचाही रोड मॅप तयार केला जाईल. राज्यात होणारी शिक्षकांची भरती प्रक्रिया ही पवित्र पोर्टलच्या माध्यमातून केली जाऊ नये, ती पद्धतच रद्द करून संस्था स्तरावर त्याचे अधिकार द्यावेत, अथवा वेगळी यंत्रणा राबवावी, अशी मागणी संस्था चालक प्रतिनिधींनी शालेय शिक्षण मंत्र्यांकडे केली. त्याशिवाय टप्पा अनुदान, क्रीडा, संगीत शिक्षक भरती आदी अनेक मागण्या यावेळी करण्यात आल्या.

पवित्र पोर्टलच्या माध्यमातून राबविण्यात येत असलेल्या शिक्षक भरतीच्या दुसऱ्या टप्प्याची भावी शिक्षकांना प्रतीक्षा आहे. आचारसंहितेमुळे दुसऱ्या टप्प्यातील शिक्षक भरती रखडलेली होती. आता आचारसंहिता संपल्यानंतर शिक्षक भरतीची प्रक्रिया सुरू होईल, अशी अपेक्षा आहे. पहिल्या टप्प्यात आतापर्यंत २१ हजार ६७८ शिक्षकांची भरती प्रक्रिया राबविण्यात आली आहे राज्यातील स्थानिक स्वराज्य संस्थांच्या शाळांबरोबरच खासगी अनुदानित शाळांमध्ये रिक्त असलेल्या शिक्षकांच्या जागा भरण्याची प्रक्रिया दोन वर्षांपासून सुरू आहे पवित्र पोर्टलच्या माध्यमातून पहिल्या टप्प्यात २१ हजार ६७८ जागांची भरती प्रक्रिया राबविण्यात आली. पहिल्या टप्प्यात विविध कारणांनी रिक्त राहिलेल्या जागा आणि इतर रिक्त जागांसाठी दुसरा टप्प्यात भरती प्रक्रिया राबविण्यात येणार होती. त्यापूर्वीच विधानसभा निवडणुकीची आचारसंहिता लागू झाल्याने ही प्रक्रिया रखडली होती आता भरतीचा मार्ग मोकळा झाला आहे.

शिक्षण विभागाकडून ‘पवित्र’ संकेतस्थळामार्फत राबवण्यात येत असलेल्या शिक्षक भरती प्रक्रियेतील दुसऱ्या टप्प्याची भरती राबवली जाणार आहे. त्यामुळे शिक्षक होण्याची आकांक्षा असलेल्या उमेदवारांनी शिक्षक पात्रता परीक्षेला प्रतिसाद दिला असून, राज्यभरातून साडेतीन लाखांपेक्षा जास्त उमेदवारांनी नोंदणी केली आहे. राज्यात पहिली ते आठवीच्या वर्गांना शिक्षक होण्यासाठी टीईटी उत्तीर्ण अनिवार्य आहे. महाराष्ट्र राज्य परीक्षा परिषदेतर्फे १० नोव्हेंबर टीईटी आयोजित केली जाणार आहे. ९ ते ३० सप्टेंबर या कालावधीत ऑनलाइन माध्यमातून अर्ज नोंदणीसाठी मुदत देण्यात आली होती. तर शुल्क भरण्यासाठी ४ ऑक्टोबरपर्यंत मुदतवाढ देण्यात आली होती. एकूण ३ लाख ५५ हजार ९०५ उमेदवारांनी अर्ज भरला आहे. पवित्र पोर्टल मार्फत सुरू असलेल्या शिक्षक भरतीचा दुसरा टप्पा लवकरच सुरू होणार आहे. या टप्प्यासाठी कार्यवाही करण्याचे आदेश शिक्षण आयुक्त सूरज मांढरे यांनी जिल्ह्यातील सर्व विभागीय शिक्षण उपसंचालक तथा शिक्षणाधिकाऱ्यांना आहेत, दिले याविषयीचे पत्र १३ सप्टेंबर रोजी देण्यात आले आहे. पवित्र पोर्टलच्या माध्यमातून सध्या शिक्षक भरती सुरू आहे. मुलाखतीविना भरतीची प्रक्रिया पूर्ण झाली आहे तसेच मुलाखतीसह या पदभरती प्रकारात ३१ ऑगस्टपर्यंत खासगी संस्थांवरील रिक्त जागांसाठी मुलाखत आणि अध्यापन कौशल्य चाचणी घेण्यात आली आहे. आता शिक्षक भरतीचा दुसरा टप्पा राबवण्यात येणार आहे. त्या अनुषंगाने कार्यवाही सुरू आहे.

edustaff.maharashtra.gov.in Pavitra Portal 2025 Registration Link

edustaff.maharashtra.gov.in Pavitra Portal 2025 Link