निती आयोग इंटर्नशिप योजना ही भारत सरकारच्या धोरण निर्मिती प्रक्रियेत थेट सहभागी होण्यासाठी विद्यार्थ्यांसाठी आणि संशोधकांसाठी एक खास संधी आहे. ही योजना निती आयोग (National Institution for Transforming India) कडून राबवली जाते.

अर्जाची वेळ:

• दर महिन्याच्या 1 तारखेपासून ते 10 तारखेपर्यंत ऑनलाईन अर्ज करता येतो.
• कोणत्याही महिन्याची इंटर्नशिप करायची असल्यास त्याच्या 2 महिने आधी अर्ज करावा लागतो.

पात्रता (Eligibility):
पदाचे नाव पात्रता
निती आयोग इंटर्न

• अंडरग्रॅज्युएट: 12वीत 85% गुणांसह 2रा वर्ष/4था सेमेस्टर पूर्ण केलेला
• पोस्ट ग्रॅज्युएट/PhD विद्यार्थी: UG मध्ये 70% गुण आणि PG चा 1रा वर्ष/2रा सेमेस्टर सुरू असलेला
• नुकतेच शिक्षण पूर्ण केलेले विद्यार्थी: UG/PG मध्ये 70% गुण, आणि निकाल लागून 6 महिन्याच्या आत अर्ज केला पाहिजे

तसेच, अर्जदार भारतातील किंवा परदेशातील मान्यताप्राप्त विद्यापीठातून शिकत असले पाहिजेत. NOC (No Objection Certificate) आवश्यक आहे.

फी आणि मानधन:

• ही योजना पूर्णतः मोफत आहे.
• कोणतेही मानधन मिळत नाही, कारण ही एक शैक्षणिक व अनुभवात्मक इंटर्नशिप आहे.

निवड प्रक्रिया:

• अर्ज ऑनलाईन पद्धतीने स्वीकारले जातात.
• निती आयोगाच्या विविध विभागांचे प्रमुख पात्रता, रुची आणि गरजेनुसार उमेदवारांची निवड करतात.
• निवड झालेल्यांना NOC आणि मार्कशीट्स सादर कराव्या लागतात.
• अंतिम निर्णय संबंधित विभागाचे सल्लागार घेतात.

अर्ज कसा कराल:

• NITI Aayog च्या अधिकृत संकेतस्थळाला भेट द्या.
• दर महिन्याच्या 1 ते 10 तारखेच्या दरम्यान अर्जाची लिंक अ‍ॅक्टिव्ह असते.
• ऑनलाइन फॉर्म भरा, हव्या त्या क्षेत्राचा उल्लेख करा (जसे: कृषी, अर्थशास्त्र, वगैरे).
• अर्ज भरताना इंटर्नशिपचा हव्या असलेल्या महिन्याचा विचार करून 2 महिने आधी अर्ज करा.
• अर्जाचा स्टेटस वेबसाइटवर तपासू शकता.
• निवड झाल्यास NOC आणि मूळ गुणपत्रिका सादर करा.