देशसेवेची इच्छा बाळगणाऱ्या आणि नौदलात करिअर करण्याचं स्वप्न पाहणाऱ्या तरुणांसाठी एक आनंदाची बातमी आहे! भारतीय नौसेनेत वरिष्ठ माध्यमिक भरती (वैद्यकीय) अंतर्गत वैद्यकीय शाखेत ‘नाविक’ पदासाठी भरती प्रक्रिया सुरु करण्यात आली आहे. इच्छुक आणि पात्र उमेदवारांकडून १० एप्रिल २०२५ पर्यंत ऑनलाइन अर्ज मागवण्यात येत आहेत. अर्ज सादर करण्यासाठी अधिकृत संकेतस्थळ आहे – joinindiannavy.gov.in

भरती कुठ्या तुकड्यांसाठी?
ही भरती विशेषत: खालील तीन तुकड्यांसाठी घेतली जात आहे:

• ०२/२०२५
• ०१/२०२६
• ०२/२०२६

यामध्ये निवड झालेल्या उमेदवारांना नौसेनेच्या वैद्यकीय शाखेत नाविक पदावर सेवा बजावण्याची संधी मिळणार आहे.

शैक्षणिक पात्रता काय आहे?
या भरतीसाठी अर्ज करताना उमेदवाराने खालील अटी पूर्ण केलेल्या असाव्यात:

• १२वी उत्तीर्ण असणे अनिवार्य (भारत सरकारच्या शिक्षण मंत्रालयाच्या मान्यताप्राप्त बोर्डातून).
• विषय: भौतिकशास्त्र, रसायनशास्त्र आणि जीवशास्त्र अनिवार्य.
• एकूण गुण: किमान ५०%
• प्रत्येक विषयात किमान ४०% गुण आवश्यक.
• सध्या शैक्षणिक वर्ष २०२४-२५ मध्ये १२वीची परीक्षा देणारे विद्यार्थी देखील या भरतीसाठी पात्र आहेत.

अर्ज करण्याची पद्धत

• अर्ज पूर्णपणे ऑनलाइन पद्धतीने सादर करावा लागणार आहे.
• अधिकृत संकेतस्थळ: joinindiannavy.gov.in
• अर्ज करण्याची अंतिम तारीख: १० एप्रिल २०२५, संध्याकाळी ५ वाजेपर्यंत

अधिक माहिती कुठे मिळेल?
या भरतीसंदर्भातील अधिक माहिती हवी असल्यास, उमेदवारांनी पुणे जिल्हा सैनिक कल्याण कार्यालयाशी संपर्क साधावा.
जिल्हा सैनिक कल्याण अधिकारी ले. कर्नल (नि.) स. दै. हंगे यांनी इच्छुक उमेदवारांना हे आवाहन केलं आहे की, संधीचे सोने करा आणि वेळेत अर्ज करा!