मागील बराच दिवसापासून BMC अंतर्गत अनेक पदे रिक्त होती. परंतु आता, मुंबई महापालिकेच्या सार्वजनिक आरोग्य विभागांतर्गत कार्यरत असलेल्या सहाय्यक वैद्याकीय अधिकाऱ्यांचा पदोन्नतीचा मार्ग मोकळा झाला असून वैद्याकीय अधिकारी म्हणून त्यांची नेमणूक होणार आहे. सुमारे १५० सहाय्यक वैद्याकीय अधिकाऱ्यांपैकी १३० जणांनी कागदपत्रांची पूर्तता केली असून लवकरच उर्वरित २० जणांचीही कागदपत्रे प्रशासनाला सादर होतील. तसेच, संबंधितांची जानेवारी महिन्याच्या अखेरीस वैद्याकीय अधिकारी पदावर नेमणूक केली जाणार आहे. निश्चितच हि एक आनंदाची बातमी आहे. 

वैद्याकीय अधिकारी संवर्गातील रिक्त पदे सहाय्यक वैद्याकीय अधिकारी संवर्गातून पदोन्नतीने भरण्यासाठी आवश्यक कागदपत्रे २६ जुलै २०२४ पर्यंत पदोन्नती समितीपुढे सादर करण्याच्या सूचना सार्वजनिक आरोग्य खात्याने केल्या. अंतिम सेवाज्येष्ठता यादीतील १५० कर्मचाऱ्यांना कागदपत्रे सादर करण्याच्या सूचना पालिकेने केल्या होत्या. याबाबत १८ जुलै २०२४ रोजी परिपत्रकही प्रसिद्ध केले. सूचनेनुसार आतापर्यंत १३० कर्मचाऱ्यांनी कागदपत्रे सादर केली आहेत, तर उर्वरित २० कर्मचाऱ्यांना तांत्रिक अडचणींमुळे कागदपत्रे सादर केली नाहीत. त्यांनी तातडीने कागदपत्रे सादर करावीत, असे निर्देश देण्यात आले आहेत.