MPSC New Timetable 2020 Examination Schedule

महाराष्ट्र लोकसेवा आयोगाने (एमसीएससी) रविवारी १७ मे रोजी होणारी महाराष्ट्र अभियांत्रिकी सेवा पूर्वपरीक्षा स्थगित करण्याचा निर्णय घेतला असून, आता लॉकडाउनचा कालावधी संपल्यानंतर परीक्षेचे वेळापत्रक जाहीर करण्यात येणार आहे, अशी माहिती ‘एमपीएससी’ प्रशासनाने दिली आहे. करोना विषाणू संसर्ग रोखण्यासाठी संचारबंदी लागू करण्यात आल्यानंतर ‘एमपीएससी’ने राज्यसेवा पूर्व परीक्षा आणि राज्यसेवा संयुक्त पूर्व परीक्षा स्थगित करण्याचा निर्णय घेतला होता. त्यानंतर आता अभियांत्रिकी सेवा परीक्षाही स्थगित करण्यात आली आहे. परीक्षेच्या आयोजनासंदर्भातील माहिती आयोगाच्या वेबसाइटवर जाहीर करण्यात येईल, असे ‘एमपीएससी’च्या प्रशासनाने प्रसिद्ध केलेल्या पत्रकात सांगितले आहे.

• नोवेल कोरोना (Covid-१९) विषाणूचा प्रादुर्भाव रोखण्याकरीता सुरू असलेल्या प्रतिबंधात्मक उपाययोजनेच्या अनुषंगाने महाराष्ट्र लोकसेवा आयोगामार्फत रविवार दिनांक १७ मे २०२० रोजी नियोजित महाराष्ट्र अभियांत्रिकी सेवा पूर्व परीक्षा २०२० सार्वजनिक हितास्तव पुढे ढकलण्यात येत आहे.
• लॉकडाऊनचा कालावधी संपल्यानंतर आयोगामार्फत आयोजित परीक्षांच्या दिनांकाबाबत घोषणा करण्यात येतील.
• परीक्षांच्या आयोजनासंदर्भातील अद्ययावत माहितीकरिता आयोगाच्या संकेस्थळाचे वेळोवेळी अवलोकन करणे उमेदवारांच्या हिताचे राहील.

या संदर्भातील पुढील अपडेट्ससाठी महाभरतीला भेट देत रहा. तसेच MPSC परीक्षेस उपयुक्त प्रश्नसंच सोडवण्यासाठी येथे क्लिक करा.