राज्य लोकसेवा आयोग (एमपीएससी) द्वारा जानेवारी २०२३ मध्ये जाहीर केलेल्या अराजपत्रित गट-ब व गट-क सेवा संयुक्त पूर्व परीक्षेतील निवड झालेल्या उमेदवारांची नियुक्ती अजूनही बाकी आहे, ज्यामुळे एमपीएससी उमेदवारांमध्ये संताप निर्माण झाला आहे.

उमेदवारांनी परीक्षेची जाहिरात, परीक्षा तारीख, निकाल आणि नंतरची सर्व प्रक्रिया पार केली, परंतु नियुक्तीच्या प्रतिक्षेत अडीच वर्षे लोटली. यामुळे एमपीएससी उत्तीर्ण उमेदवारांची निराशा अधिकच वाढली आहे.

महाराष्ट्र लोकसेवा आयोगाने जाहीर केलेल्या अराजपत्रित गट-ब व गट-क सेवा संयुक्त पूर्व परीक्षेच्या जाहिरातीनुसार पोलिस उपनिरीक्षकांच्या ३७४ पदांची नियुक्ती आणि राज्य कर निरीक्षकाच्या १५९ पदांची नियुक्ती बाकी आहे. त्याचप्रमाणे, सहायक कक्ष अधिकारी ७० पदे, सबरजिस्ट्रार ४९ पदे यांची नियुक्ती होऊन प्रशिक्षण सुरू झाले आहे.

लिपिक – टंकलेखक भरती २०२३ चे सर्वसाधारण गुणवत्ता यादी जाहीर करण्यात आली असली तरी, अंतिम गुणवत्ता यादी लवकर जाहीर होईल तर सात हजारांपेक्षा अधिक उमेदवारांना दिलासा मिळेल.

• महेश घरबुडे, अध्यक्ष, स्पर्धा परीक्षा विद्यार्थी असोसिएशन