नोकरीच्या शोधात असलेल्या उमेदवारांसाठी मोठी संधी उपलब्ध झाली आहे. वस्त्रोद्योग मंत्रालयात विविध पदांसाठी भरती सुरू झाली असून, इच्छुक आणि पात्र उमेदवारांकडून अर्ज मागविण्यात येत आहेत. या भरती प्रक्रियेमध्ये थेट मुलाखतीद्वारे उमेदवारांची निवड केली जाणार आहे.

वस्त्रोद्योग मंत्रालयात कोणत्या पदांसाठी भरती?
वस्त्रोद्योग समिती, वस्त्रोद्योग मंत्रालयामार्फत प्रकल्प सहयोगी (सल्लागार), प्रकल्प सहाय्यक (ज्युनियर सल्लागार) आणि तांत्रिक अधिकारी या पदांसाठी भरती केली जात आहे. एकूण 10 रिक्त पदे उपलब्ध असून, निवड झालेल्या उमेदवारांना मुंबईत नोकरी करावी लागेल.

शैक्षणिक पात्रता व पगार
या पदांसाठी अर्ज करणाऱ्या उमेदवारांकडे बी.ई./बी.टेक (टेक्सटाईल) किंवा बी.एफ. टेक ही शैक्षणिक पात्रता असणे आवश्यक आहे. निवड झालेल्या उमेदवारांना दरमहा ₹50,000 ते ₹70,000 इतका आकर्षक पगार मिळणार आहे.

मुलाखतीद्वारे होणार निवड प्रक्रिया
उमेदवारांची निवड थेट मुलाखतीद्वारे केली जाणार आहे. मुलाखत 24 मार्च 2025 रोजी आरएसए, दुसरा मजला, वस्त्रोद्योग समिती (भारत सरकार, वस्त्रोद्योग मंत्रालय), पी. बाळू रोड, प्रभादेवी चौक, प्रभादेवी, मुंबई-40025 येथे आयोजित करण्यात आली आहे.

अधिक माहिती कुठे मिळेल?
या भरती प्रक्रियेबाबत अधिक माहितीसाठी https://textilescommittee.nic.in/ या अधिकृत वेबसाईटला भेट देऊ शकता. इच्छुक उमेदवारांनी वेळेत तयारी करून संधीचा लाभ घ्यावा.