मित्रांनो, आतच प्राप्त माहिती नुसार, वैद्यकीय शिक्षकांची ८१६ पदे लवकरच भरण्यात येणार आहे (Medical Professor Bharti 2025). निश्चितच या भरती मुळे नवीन उमेदवारांना रोजगाराच्या नवीन संधी मिळणार  आहे यात शंकाच नाही. कालच, राज्यातील शासकीय वैद्यकीय महाविद्यालयांमधील ८१६ रिक्त शिक्षक पदे भरावीत, असा आदेश मुंबई उच्च न्यायालयाच्या नागपूर खंडपीठाने सामान्य प्रशासन विभागाला दिला आहे. याबाबतचा निर्णय ११ मार्चपर्यंत घ्यावा, असेही स्पष्ट करण्यात आले आहे. तेव्हा लवकरच आपण नवीन भरती जाहिरातीची प्रतीक्षा करू! 

गेल्या शैक्षणिक वर्षात राज्यात वैद्यकीय शिक्षकांची ९५४ नवीन पदे रिक्त झाली होती. त्यापैकी १३८ पदे भरण्यास सामान्य प्रशासन विभागाने मान्यता दिली. त्यामुळे उर्वरित ८१६ रिक्त पदे भरण्याचा आदेश न्यायालयाने दिला. शासकीय वैद्यकीय महाविद्यालये व रुग्णालयांच्या विकासासंदर्भात न्यायालयात जनहित याचिका प्रलंबित आहे. या प्रकरणाची सुनावणी न्यायमूर्ती अविनाश घरोटे आणि अभय मंत्री यांच्या खंडपीठासमोर झाली. न्यायालय मित्र म्हणून अ‍ॅड. अनुप गिल्डा यांनी तर, राज्य सरकारतर्फे वरिष्ठ अ‍ॅड. फिरदौस मिर्झा आणि अ‍ॅड. दीपक ठाकरे यांनी कामकाज पाहिले.

राज्य सरकारने ३० जानेवारी आणि ४ फेब्रुवारी रोजी विविध वैद्यकीय महाविद्यालयांमधील ३८ सहयोगी प्राध्यापकांना प्राध्यापक पदावर बढती दिली आहे. तसेच, रिक्त पदे भरण्यासाठी दोन विशेष मंडळांची स्थापना करण्यात आली आहे.

● महाराष्ट्र लोकसेवा आयोगाने सहायक प्राध्यापकांच्या ४७९ रिक्त पदांसाठी भरती प्रक्रिया सुरू केली असून, २९७ उमेदवारांची नावे सरकारकडे सुपूर्त केली आहेत.
● तीन वैद्यकीय महाविद्यालयांमध्ये कर्करोग रुग्णालय उभारण्यासाठी सरकारने ७ कोटी ६१ लाख रुपये मंजूर केले आहेत.