Maharashtra Van Sevak Bharti 2025: वनविभागाने क्षेत्रीय आकडेवारीच्या आधारे १२,९९१ वनसेवकांची पदे निर्माण करण्याचा प्रस्ताव शासनास सादर केला आहे. या प्रस्तावात परिशिष्ट-३ नुसार विभागनिहाय पदांचा तपशील नमूद करण्यात आला आहे. यासाठी आवश्यक मनुष्यबळाची विभागणी दोन भागांमध्ये प्रस्तावित आहे—बाह्य यंत्रणेद्वारे हाताळता येणाऱ्या कामांसाठी आवश्यक मनुष्यबळ आणि नियमित स्वरूपात आवश्यक मनुष्यबळ. या प्रस्तावाच्या अंमलबजावणीमुळे वनविभागाची कार्यक्षमता आणि व्यवस्थापन अधिक परिणामकारक होईल, असा विश्वास व्यक्त करण्यात आला आहे. या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

राज्यातील वनविभागात रिक्त असलेल्या सुमारे १४ हजार पदांसाठी नोकरभरती दोन महिन्यांच्या आत करण्यात येईल, असे आश्वासन वनमंत्री गणेश नाईक यांनी दिले होते. या आश्वासनावर विश्वास ठेवत लाखो विद्यार्थ्यांनी अभ्यास आणि प्रशिक्षणाला सुरुवात केली, मात्र दोन महिन्यांचा कालावधी उलटून गेला, तरी अद्याप कोणतीही ठोस कार्यवाही झालेली नाही. त्यामुळे वनविभागाची नोकरभरती प्रत्यक्षात होणार की नाही, याबाबत विद्यार्थ्यांमध्ये प्रचंड संभ्रम निर्माण झाला असून राज्याचे वनमंत्री यांनी सुशिक्षित बेरोजगारांकडे लक्ष देऊन वाढता बेरोजगार पाहता लवकरात लवकर जाहिरात काढून लवकर भरती करावे, अशा प्रकारची मागणी युवा रोजगार परिषदचे अध्यक्ष लक्ष्मीकांत कलमुर्गे यांनी केली आहे.
जागतिक वन दिनानिमित्त म्हणजे २१ मार्च रोजी वाशी येथे वनविभागाच्या पदक वितरण सोहळ्याचे आयोजन करण्यात आले होते.

राज्याचे वनखाते उत्कृष्ट काम करीत आहे म्हणून खात्याचा सन्मान झाला. वन खात्यात अनेक पदे रिक्त आहेत. त्याचा आढावा घेऊन लवकरच नोकरभरती करण्यात येईल, अशी ग्वाही वनमंत्री गणेश नाईक यांनी दिली होती. या आश्वासनावर विश्वास ठेवून राज्यातील लाखो विद्यार्थ्यांनी या नोकरभरतीची तयारी सुरू केली आहे, मात्र आजपर्यंत कोणतीही जाहिरात, परीक्षा आराखडा अथवा अधिकृत अधिसूचना निघालेली नाही. परिणामी विद्यार्थ्यांच्या अभ्यासाचे नियोजन आणि मानसिक स्वास्थ्य यावर परिणाम होत आहे. याविषयी युवा रोजगार परिषदेचे अध्यक्ष लक्ष्मीकांत कलमूर्गे यांनी सांगितले की, वनमंत्र्यांनी दिलेल्या आश्वासनावर १४ हजारांहून अधिक पदे रिक्त असल्याचे परिपत्रक तसेच सविस्तर माहिती मिळाल्यानंतर त्यावर विश्वास ठेवून लाखो विद्यार्थ्यांनी नोकरभरतीची तयारी सुरू केली आहे. मात्र, सरकारने याबाबत फक्त घोषणाच केली आहे. कोणतीही ठोस कार्यवाही अद्याप केलेली नाही.

राज्यात साधारणपणे १४ हजारांहून अधिक पदे रिक्त आहेत. नोकर भरती केल्यास मनुष्यबळाअभावी येणारा ताण कमी होण्यास मदत होईल. तसेच बेरोजगारीच्या विळख्यात अडकलेल्या विद्यार्थ्यांना काहीसा दिलासा मिळेल. त्यामुळे सरकारने दिलेले आश्वासन पाळावे, अशी आमची विनंती आहे. सध्या वनसेवक पदाच्या १२ हजार ९९१ जागा आणि वनरक्षक पदाच्या एक हजार ६०० पेक्षा अधिक जागा रिक्त आहेत. या पदांवरील मनुष्यबळाच्या अभावामुळे वनविभागावर प्रचंड कामाचा ताण पडत असून वनसंवर्धन आणि कायद्याची अंमलबजावणी यावर प्रतिकूल परिणाम होत आहे.

Maharashtra Van Sevak Bharti 2025

वनसेवक पदभरतीसाठी मार्गदर्शक तत्त्वे

वनसेवक पदांच्या नियुक्तीसाठी खालील अटी आणि मार्गदर्शक तत्त्वे लागू असतील:

1. स्थानिक उमेदवारांची नियुक्ती
   • नियुक्तीसाठी स्थानिक उमेदवारांना प्राधान्य दिले जाईल.
   • स्थानिक म्हणजे ज्या वनविभागात (Division) नियुक्ती होणार आहे, त्या विभागातील रहिवासी उमेदवार.
2. पदाची श्रेणी आणि वेतन
   • हे पद गट-ड श्रेणीत येईल.
   • सातव्या वेतन आयोगानुसार वेतनश्रेणी एस-१ (₹१५,०००-४७,६००) असेल.
   • पदाचे पदनाम वनसेवक असेल.
3. शैक्षणिक पात्रता
   • किमान शैक्षणिक पात्रता १० वी पास असावी.
   • कमाल शैक्षणिक पात्रता १२ वी पास ठेवण्यात येईल.
   • जास्त शिक्षण घेतलेले उमेदवार निवड प्रक्रियेत सहभागी होणार नाहीत यासाठी हमीपत्र लिहून घेतले जाईल.
4. रोजंदारी मजुरांसाठी विशेष अट
   • सध्याचे कार्यरत रोजंदारी मजूर वयोमर्यादेत ५५ वर्षांपर्यंत सूटसह १०% आरक्षणाचा लाभ घेऊ शकतील.
   • रोजंदारी मजुराने प्रतिवर्ष किमान १८० दिवस तुटक स्वरूपात ५ वर्षे काम केलेले असणे आवश्यक.
   • रोजंदारी कामासंबंधी न्यायालयीन प्रकरण प्रलंबित असल्यास, ती मागे घेतल्याशिवाय नियुक्ती मिळणार नाही.
5. पदोन्नतीचे संधी
   • वनरक्षक (गट-क) पदांमध्ये २५% पदे वनसेवकांमधून पदोन्नतीने भरली जातील.

ही नियमावली स्थानिक उमेदवारांना प्राधान्य देण्यासह गरजू रोजंदारी मजुरांसाठी विशेष सुविधा देण्यासाठी तयार करण्यात आली आहे, ज्यामुळे वनसेवक पदावर न्याय्य व पारदर्शक भरती प्रक्रिया सुनिश्चित होईल.

वनमजूर आवश्यकतेची आकडेवारी (दि. १/४/२०२४ रोजी)