राज्य सरकारच्या विविध खात्यांमधील ७५२ रिक्त पदांसाठी गोवा कर्मचारी निवड आयोगानं भरती प्रक्रिया सुरू केलीय. यातील ५० पदं आधीच भरली गेली असून उरलेली पदं टप्प्याटप्प्यानं भरली जाणार असल्याचं मुख्यमंत्री डॉ. प्रमोद सावंत यांनी स्पष्ट केलं.

पाटो-पणजी इथं नव्या आयोग कार्यालयाचं उद्घाटन करताना त्यांनी सांगितलं की,
“आता सगळ्या सरकारी खात्यांमधील भरती ही आयोगामार्फतच पारदर्शक पद्धतीनं होणार. संगणकीकृत परीक्षा आणि तत्काळ निकाल प्रणालीमुळे कुठलाच मानवी हस्तक्षेप शक्य नाही.”

आधुनिक तंत्रज्ञानानं सज्ज कार्यालयात:

• स्वतंत्र संगणक कक्ष

• सीसीटीव्ही निरीक्षण

• दिव्यांगांसाठी सुविधा

• संपूर्ण डिजिटल परीक्षा व्यवस्था

मुख्यमंत्री म्हणाले, “आम्ही फक्त नोकऱ्या देत नाही, तर गोमंतकीय युवकांना न्याय देतो. योग्य पात्रतेनुसार निवड झाली तर शासनावरचा विश्वास वाढतो.”

आता गट क आणि गट ब पदांची भरती फक्त आयोगामार्फतच होणार हे आदेश शासनाने स्पष्टपणे दिले आहेत.