CHO Vacant Posts : While the outbreak of COVID-19 has put a huge strain on the health system, the posts of 11 community health officers in 20 health sub-centers in the taluka are vacant.

CHO Vacant Posts : आरोग्य उपकेंद्रातील सामुदायिक आरोग्य अधिकाऱ्यांची पदे रिक्त. कोविड-१९ चा प्रादुर्भाव वाढल्याने आरोग्य यंत्रणेवर मोठ्या प्रमाणावर ताण वाढला असताना तालुक्यातील २० आरोग्य उपकेंद्रातील ११ सामुदायिक आरोग्य अधिकाऱ्यांची पदे रिक्त आहेत.

पाथरी तालुक्यात बाभळगाव, हदगाव, पाथरगव्हाण बु, वाघाळा हे चार प्राथमिक आरोग्य केंद्र आहेत. या आरोग्य केंद्रातर्गत २० आरोग्य उप केंद्र आहेत. शासनाने सामुदायिक आरोग्य अधिकारी यांची पदे भरताना तालुक्यातील २० पैकी केवळ ९ उपकेंद्रात सामुदायिक आरोग्य अधिकारी ही पदे भरली. उर्वरित ११ ठिकाणी ही पदे रिक्त आहेत.

वैधानिक अधिकारी यांची पदेही रिक्त 

प्रत्येक प्राथमिक आरोग्य केंद्रात २ वैद्यकीय अधिकारी पदे मंजूर आहेत. मात्र पाथरगव्हाण, हदगाव आणि वाघाळा येथे वैद्यकीय अधिकाऱ्याचे एक पद रिक्त आहे.