बिहारमधील नितीशकुमार सरकार सरकारी विभागात ६ लाख पदे भरण्याची तयारी करत आहे. या अंतर्गत ४५ विभागांमधील जागा भरण्याची घोषणा केली जाऊ शकते. राज्यातील शिक्षण, कृषी, पंचायतराज यांसारख्या खात्यांमध्ये लवकरच नियुक्त्या केल्या जाऊ शकतात.o

सूत्रांनी दिलेल्या माहितीनुसार, शिक्षण विभागात २,१७,५९१ पदे, समाजकल्याण विभागात १,८४,००० पदे, आरोग्य विभागात ६५,७३४ पदे, गृह विभागात४१,४१४ पदे रिक्त आहेत. महसूल व भूमिसुधार विभागात १५,२१४ पदे, जलसंपदा विभागात १३,७१२ पदे रिक्त आहेत. याशिवाय अन्य खात्यातही अनेक पदे रिक्त आहेत.

स्वातंत्र्यदिनी मुख्यमंत्री नितीशकुमार यांनी पाटणा येथील गांधी मैदानावर संबोधित करताना बिहार विधानसभा निवडणुकीपूर्वी १० लाख तरुणांना नोकऱ्या देण्यात येणार असल्याचे सांगितले होते. त्यामुळे रोजगार मिळवणाऱ्यांची संख्या ३४ लाखांवर जाईल. आतापर्यंत १० लाख लोकांना नोकऱ्या मिळाल्या आहेत.