नोकरीच्या शोधात असलेल्या महिलांसाठी आनंदाची बातमी आहे. महिला व बालविकास विभागाने अंगणवाडी भरतीची मोठी घोषणा केली असून, १८००० हून अधिक पदांसाठी भरती प्रक्रिया सुरू झाली आहे. इच्छुक उमेदवारांसाठी ही एक उत्तम संधी आहे (Anganwadi Recruitment Online Application Form).

या भरतीअंतर्गत अंगणवाडी सेविका आणि मदतनीस पदांसाठी अर्ज मागवण्यात आले आहेत. अंगणवाडी सेविका पदासाठी ५६३९ जागा तर अंगणवाडी मदतनीस पदासाठी १२३४२ जागा रिक्त आहेत. एकूण १८८८२ पदांसाठी उमेदवारांची निवड होणार आहे.

भरती प्रक्रियेसाठी अर्ज करणाऱ्या उमेदवारांचे वय १८ ते ३५ वर्षे असावे. मात्र, विधवा उमेदवारांसाठी वयोमर्यादा ४० वर्षे ठेवण्यात आली आहे. निवड झालेल्या उमेदवारांना त्यांच्या स्थानिक परिसरातच नोकरीची संधी मिळणार आहे. तसेच, अर्ज करणाऱ्या महिलांना जास्तीत जास्त २ मुले असावीत, असे निकष ठेवले आहेत.

या भरतीसाठी पात्रतेच्या अटी देखील स्पष्ट करण्यात आल्या आहेत. अर्ज करणाऱ्या उमेदवारांनी किमान १२वी उत्तीर्ण असणे आवश्यक आहे. इच्छुक महिलांनी महिला व बालविकास विभागाच्या कार्यालयात प्रत्यक्ष जाऊन अर्ज सादर करावा. अर्ज प्रक्रिया कार्यालयीन वेळेत सुरू राहणार आहे, त्यामुळे इच्छुक उमेदवारांनी लवकरात लवकर अर्ज करावा.