मित्रांनो, आपल्या पैकी अनेक जणांनी RRB NTPC चे अर्ज भरले असतील. साहजिकच आता आपल्याला या परीक्षेच्या प्रवेशपत्राची आणि अपडेट्सच्या प्रतीक्षा असेल. यासाठीच आम्ही एक महत्वाची बातमी समोर घेऊन आलो आहे. तर मित्रांनो, भारतीय रेल्वेने घेतलेल्या सर्वात मोठ्या भरती मोहिमेपैकी एक – RRB NTPC 2025 ची पहिली संगणकाधारित परीक्षा (CBT-1) येत्या जून 2025 मध्ये होणार आहे. यामध्ये 1.21 कोटींहून अधिक उमेदवार सहभागी होणार असल्याची माहिती मिळते. ही परीक्षा पदवीधर व पदवीपूर्व (undergraduate) उमेदवारांसाठी आहे. एकूण 11,558 जागांसाठी ही भरती प्रक्रिया राबवली जात आहे. हि परीक्षा पुढील महिन्यात ह्मणजेच जून २०२५ मध्ये आयोजित करण्यात येणार आहे.चाल तर या बद्दल पूर्ण माहिती बघूया..

हॉल तिकीट व शहर माहिती लवकरच
उमेदवारांना परीक्षा होण्याच्या १० दिवस आधी शहर माहिती पत्रक (city intimation slip) मिळेल आणि ४ दिवस आधी अधिकृत प्रवेशपत्र (admit card) उपलब्ध होईल. उमेदवारांनी rrbcdg.gov.in या अधिकृत संकेतस्थळावर आपले नोंदणी क्रमांक व संकेतशब्द वापरून लॉग इन करून ते डाउनलोड करावे लागेल.

तीन शिफ्टमध्ये परीक्षा – वेळ ठरवून तयारी करा
परीक्षा तीन शिफ्टमध्ये होणार आहे:

• पहिली शिफ्ट: सकाळी ९:०० ते १०:३० (रिपोर्टिंग वेळ: ७:३०)
• दुसरी शिफ्ट: दुपारी १२:४५ ते २:१५ (रिपोर्टिंग वेळ: ११:१५)
• तिसरी शिफ्ट: संध्याकाळी ४:३० ते ६:०० (रिपोर्टिंग वेळ: ३:००)
  उमेदवारांनी वेळेआधी केंद्रावर पोहचणे अत्यंत गरजेचे आहे. परीक्षा केंद्रावरची काटेकोर तपासणी लक्षात घेता, वेळ व्यवस्थापन महत्त्वाचे ठरेल.

परीक्षा नमुना – काय विचारले जाईल?
CBT-1 मध्ये एकूण १०० प्रश्न असतील, आणि एकूण वेळ ९० मिनिटे असेल.
विभागवार प्रश्नसंख्या पुढीलप्रमाणे:

• सामान्य ज्ञान: ४० प्रश्न
• गणित: ३० प्रश्न
• तर्कशक्ती आणि सामान्य बुद्धिमत्ता: ३० प्रश्न
  प्रत्येक बरोबर उत्तरासाठी १ गुण मिळेल, मात्र चुकीच्या उत्तरासाठी १/३ गुण वजा केला जाईल. त्यामुळे अचूकतेसह उत्तर देणे खूप महत्त्वाचे आहे.

भरती प्रक्रिया – टप्प्याटप्प्याने मूल्यांकन
CBT-1 नंतर पात्र उमेदवारांना CBT-2 (मुख्य परीक्षा) साठी बोलावले जाईल. त्यानंतर काही पदांसाठी कौशल्य चाचणी किंवा टायपिंग टेस्ट घेतली जाईल. अंतिम टप्प्यात मूल्यांकन कागदपत्रांची पडताळणी व वैद्यकीय तपासणी होईल. ही प्रक्रिया पार केल्यानंतरच उमेदवारांची अंतिम निवड होईल.

तयारीसाठी महत्त्वाचे मुद्दे
उमेदवारांनी पूर्वीच्या वर्षांचे प्रश्नपत्रिका सोडवाव्यात, टाईम मॅनेजमेंट व बुद्धिमत्तेचा वापर कसा करायचा यावर भर द्यावा. अधिकृत RRB वेबसाइटवरील अधिसूचना नियमितपणे तपासत राहणे आवश्यक आहे. तसेच, नकारात्मक गुण प्रणाली लक्षात ठेवून योग्य रणनीती तयार करावी.

इतकी मोठी स्पर्धा – योग्य तयारीच यश देईल!
या परीक्षेसाठी एकट्या सप्टेंबर ते ऑक्टोबर 2024 मध्येच 1.21 कोटींहून अधिक अर्ज प्राप्त झाले. ही संख्या पाहता स्पर्धा प्रचंड आहे. पदवीधरांसाठी 8,113 जागा आणि पदवीपूर्व उमेदवारांसाठी 3,445 जागा उपलब्ध आहेत. त्यामुळे योग्य दिशेने व सातत्याने अभ्यास करणाऱ्यांसाठीच यश शक्य आहे.

अधिकृत संकेतस्थळावर सर्व माहिती मिळवा
RRB NTPC 2025 संबंधित सर्व माहिती, प्रवेशपत्रे व परीक्षेचे अपडेट्स तुम्हाला अधिकृत संकेतस्थळावर म्हणजेच rrbcdg.gov.in मिळतील.