सद्य परिस्थितीत संचारबंदीमुळे दहावी बारावीच्या उत्तरपत्रिका तपासणीसाठी विविध शिक्षकांपर्यंत पोहचवणे, तसेच तपासलेल्या उत्तरपत्रिका सरपरीक्षक (मॉडरेटर) आणि विभागीय मंडळापर्यंत पोहोचवण्यात अडचणी येत आहेत.या सर्व लोकडाऊनच्या परिस्थिती मुले  यंदा दहावी-बारावीचे निकाल लांबण्याची शक्यता निर्माण झाली आहे.

आपणास माहितीच आहे १८ मार्चला बारावीची परीक्षा संपली,तसेच भूगोलाची परीक्षा वगळता दहावीची परीक्षाही झाली होती. शिक्षकांनी उत्तरपत्रिका शाळेतच तपासणे बंधनकारक असल्याचा राज्य मंडळाचा नियम आहे. मात्र, संचारबंदी लागू झाल्यानंतर हा नियम शिथिल करून खास बाब म्हणून यंदा उत्तरपत्रिका घरी नेऊन तपासण्यासाठी परवानगी देण्यात आली.

ज्या विषयांच्या उत्तरपत्रिका तपासून झाल्या आहेत त्या सरपरीक्षांकडे पोहोचवणे, सरपरीक्षकांनी त्या उत्तरपत्रिका मुख्य सरपरीक्षकांकडे देणे ही प्रक्रिया संचारबंदीमुळे थांबली आहे. उत्तरपत्रिका शिक्षकांपर्यंत पोहोचवणे आणि त्या तपासून पुन्हा विभागीय मंडळाकडे देण्याचे आव्हान आहे. या संदर्भातील वृत्त वर दिलेले आहे.