तलाठीची आन्सर की जाहीर
राज्यात १ हजार ७७६ जागांसाठी सुरू असलेल्या तलाठी पद भरती अंतर्गत घेण्यात आलेल्या परीक्षेच्या प्रश्नपत्रिका आन्सर की युट्यूबवर जाहीर झाल्याचा दावा परीक्षार्थींना केला होता. २६ जुलै रोजी राज्यातील सर्व केंद्रांवरील तलाठी भरतीच्या परीक्षा पार पडल्यानंतर आता महापरीक्षा पोर्टलद्वारे अधिकृत आन्सर की जाहीर करण्यात आली आहे. यामुळे परीक्षेत समान काठीण्य पातळी, प्रश्नांची पुनरावृत्ती आणि लिक झालेले प्रश्न या दाव्यांनंतर जाहीर झालेल्या या ‘आन्सर की’मुळे परीक्षार्थींचा संभ्रम दूर होण्याची शक्यता आहे.
तलाठी भरतीत नाशिक जिल्ह्यात ६१ जागा भरण्यात येणार आहेत. यासाठी ३० हजार १२६ उमेदवारांनी अर्ज दाखल केले होते. यापैकी २ ते २६ जुलै या कालावधीत नाशिकमधील ६ केंद्रावर २० हजार ३०१ परीक्षार्थींनी परीक्षा दिली. या परीक्षार्थींना अनेकदा तांत्रिक अडचणींना सामोरे जावे लागले. शहरातील दोन केंद्रांवर आलेल्या तांत्रिक अडचणींमुळे महापरीक्षा पोर्टलद्वारे पुन्हा परीक्षा घेण्यात आली. आधारकार्ड तपासणी ते प्रश्नांची पुनरावृत्ती आणि युट्यूबवर लिक झालेल्या प्रश्नांपर्यंत हा गोंधळ येऊन पोहोचला. १८ दिवस घेण्यात आलेल्या या परीक्षेत अगोदरच युट्यूबवर काही प्रश्न लिक झाल्याने परीक्षार्थींनी भरती अंतर्गत पारदर्शकता नसल्याची ओरड केली. या भरती अंतर्गत अनेक गोंधळ झाल्याने काही परीक्षार्थी कोर्टात धाव घेण्याच्या तयारीत असल्याने भरतीवर स्थगिती येणार का, या प्रश्न मात्र अद्यापही अनुत्तरीत आहे. मात्र, महापरीक्षा पोर्टलद्वारे आता अधिकृत आन्सर की जाहीर करण्यात आली आहे. या आन्सर की नुसार गुणवत्ता यादी जाहीर होणार असल्याने, आन्सर कीमध्ये कोणताही घोळ नसावा, अशी अपेक्षा परीक्षार्थींनी व्यक्त केली आहे. परीक्षार्थींनी
https://mahapariksha.gov.in/revanswerkey/ या लिंकद्वारे आन्सर की तपासावी, अशी सूचना महापरीक्षा पोर्टलद्वारे करण्यात आली आहे.
अन्य महत्वाच्या भरती
✅पोलीस भरती २०२४ अपेक्षित प्रश्नसंच सोडवा!- मोफत टेस्ट सिरीज २०२४
✅कर्मचारी निवड आयोग (SSC)अंतर्गत 2049 पदांची मोठी भरती सुरू; ऑनलाईन अर्ज करा!
✅पोलीस भरती शिपाई टेस्ट सिरीज 2024!
✅महाराष्ट्रात दक्षिण पूर्व मध्य रेल्वे मध्ये नोकरीची मोठी संधी!! 861 पदांची भरती!
✅इंडियन बँक मध्ये नोकरीची उत्तम संधी!! 148 विविध रिक्त पदांची नवीन भरती सुरु
✅⏰महाराष्ट्र पोलीस कॉन्स्टेबल तयारीसाठी महत्वाच्या टिप्स!!
✅१० वी, १२ वी पास उमेदवारांसाठी नोकरीच्या भरपूर संधी !!
✅आरोग्य विभाग, पोलीस, तलाठी, ZP,वन विभाग आणि अन्य भरतीचे सराव पेपर्स चे App