SSC HSC Students to Get Educational Help by Counselors of Maharashtra Board : SSC HSC Exam 2021: दहावी, बारावीच्या परीक्षा एप्रिलमध्ये सुरू होत आहेत. यावर्षी करोनाच्या पार्श्वभूमीवर विद्यार्थ्यांना ऑनलाइन शिक्षण देण्यात आले. त्यामुळे त्यांना परीक्षेमध्ये कोणतीही अडचण येऊ नये व त्यांच्या समस्यांचे निराकरण व्हावे यासाठी राज्य शैक्षणिक संशोधन व प्रशिक्षण परिषदेकडून दहावी व बारावीच्या विद्यार्थ्यांसाठी शैक्षणिक मार्गदर्शन व समुपदेशन सेवा उपलब्ध करून देण्यात येणार आहे. त्यासाठी राज्यभरात तब्बल ४२६ तज्ज्ञ समुपदेशकांची नियुक्ती केली आहे.

महाभरती पोलीस टेस्ट सिरीज वर जिंका बक्षिसे !

या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

मुंबईमध्ये सर्वाधिक ८३ समुपदेशकांची नियुक्ती केली असून, त्याखालोखाल पुणे ४६, ठाणे ३०, कोल्हापूर २६, रत्नागिरी २५, सातारा २०, नाशिक १८, अहमदनगर १३, रायगड १२, औरंगाबाद १२, अमरावती ११, नागपूर ८ असे सर्व जिल्ह्यांमध्ये समुपदेशक नेमले आहेत. या समुपदेशकांची जिल्हानिहाय यादी, त्यांचे मोबाइल क्रमांक आणि ई-मेल आयडी राज्य शैक्षणिक संशोधन व प्रशिक्षण परिषदेच्या maa.ac.in या संकेतस्थळावर उपलब्ध करून देण्यात आली आहे.

दहावीच्या अर्जांसाठी मुदतवाढ

२०२१ मध्ये घेण्यात येणाऱ्या दहावी परीक्षेचे अर्ज भरण्यास राज्य माध्यमिक व उच्च माध्यमिक शिक्षण मंडळाने मुदतवाढ दिली आहे. मुदतवाढीनुसार विद्यार्थांना २ फेब्रुवारीपर्यंत अर्ज करता येणार आहे. मंडळाने २ फेब्रुवारीपर्यंत दिलेल्या मुदतीत विद्यार्थांना नियमित शुल्क भरून अर्ज करता येणार आहे. मात्र त्यानंतर विलंब शुल्क आकारले जाईल. विलंब शुल्कासह अर्ज करण्याची मुदत ३ ते १३ फेब्रुवारीपर्यंत आहे. नियमित विद्यार्थी तसेच पुनर्परीक्षार्थी, खासगी, श्रेणीसुधार योजनेचा लाभ घेणारे विद्यार्थी www.mahahsscboard.in या वेबसाइटवर परीक्षा अर्ज भरू शकतात. तसेच १७ नंबरचा अर्ज करणाऱ्या विद्यार्थ्यांसाठी परीक्षा अर्ज भरण्याची मुदत स्वतंत्रपणे कळविण्यात येईल, असे राज्य शिक्षण मंडळाचे सचिव डॉ. अशोक भोसले यांनी स्पष्ट केले आहे.

सोर्स : म. टा.