Goa Shikshak Bharti 2025 

राज्यातील शासकीय प्राथमिक, माध्यमिक आणि उच्च माध्यमिक शाळांमध्ये सध्या ८३८ शिक्षक व मुख्याध्यापकांची पदे रिक्त असल्याचे मुख्यमंत्री आणि शिक्षणमंत्री डॉ. प्रमोद सावंत यांनी विधानसभेत स्पष्ट केले. ही रिक्तता शिक्षण व्यवस्थेसाठी चिंतेची बाब असल्याचे त्यांनी नमूद केले.

विधानसभेत आमदार वेंझी व्हिएगस यांनी विचारलेल्या अतारांकित प्रश्नाला उत्तर देताना मुख्यमंत्री सावंत यांनी सांगितले की, काही महत्त्वाच्या पदांची भरती प्रक्रिया सुरू करण्यात आली आहे. शिक्षण क्षेत्रात आधुनिक तंत्रज्ञान व पद्धती राबवण्याचे प्रयत्न सुरू असतानाच राज्यात मोठ्या प्रमाणावर शिक्षकांची कमतरता आहे, याकडेही त्यांनी लक्ष वेधले.

रिक्त पदांचा तपशील असा आहे:

• प्राथमिक शाळांमध्ये: ३४७ शिक्षक व १८ प्रशिक्षित इंग्रजी शिक्षक

• माध्यमिक व उच्च माध्यमिक स्तरावर: २०८ सहाय्यक शिक्षक, २० चित्रकला शिक्षक, ३ संगणक शिक्षक, २११ शिक्षक ग्रेड-१/सहाय्यक जिल्हा शिक्षण निरीक्षक

• मुख्याध्यापक पदे: २६

मुख्यमंत्री सावंत यांनी सांगितले की, रिक्त पदे भरण्यासाठी शासन प्रयत्नशील असून लवकरच भरती प्रक्रियेस गती दिली जाणार आहे. राज्यातील गुणवत्तापूर्ण शिक्षणासाठी ही भरती अत्यावश्यक असल्याचेही त्यांनी अधोरेखित केले.

Goa Shikshak Bharti 2025 

सरकारी प्राथमिक, माध्‍यमिक तसेच उच्च माध्‍यमिक शाळांमध्‍ये शिक्षकांच्‍या ८३८ जागा रिक्त आहेत. तर, ५९२ शिक्षक कंत्राटी किंवा रोजंदारीवर शिकवत असल्‍याचे मुख्‍यमंत्री डॉ. प्रमोद सावंत यांनी विधानसभेतील लेखी प्रश्‍नाला दिलेल्‍या उत्तरातून समोर आले आहे. आमदार व्‍हेंझी व्‍हिएगश आणि विजय सरदेसाई यांनी यासंदर्भातील प्रश्‍न विचारले होते. सरकारी प्राथमिक, माध्‍यमिक आणि उच्च माध्‍यमिकमध्‍ये शिक्षकांच्‍या किती जागा रिक्त आहेत आणि त्‍या भरण्‍यासाठी सरकारकडून कशापद्धतीने प्रक्रिया सुरू आहे, असे प्रश्‍न आमदार व्‍हिएगश यांनी विचारले होते. त्‍यावरील उत्तरात सरकारी प्राथमिक शाळांत शिक्षकांची ३४७, प्रशिक्षित इंग्रजी शिक्षकांची १४, सहाय्‍यक शिक्षकांची २०८, चित्रकला शिक्षकांची २९, कॉम्‍प्‍युटर शिक्षकांची ३, सहाय्‍यक जिल्‍हा शिक्षण निरीक्षकांची २११ आणि उच्च माध्‍यमिकमध्‍ये मुख्‍याध्‍यापकांची २६ पदे रिक्त असल्‍याचे मुख्‍यमंत्री डॉ. सावंत यांनी म्‍हटले आहे.

सरकारी शाळांतील शिक्षकांची रिक्त पदे भरण्‍याची प्रक्रिया सरकारकडून सुरू आहे. सरकारी प्राथमिकमधील ३१८ शिक्षक, १४ प्रशिक्षित इंग्रजी शिक्षक तसेच ११८ सहाय्‍यक शिक्षक भरण्‍यासाठीचा प्रस्‍ताव शिक्षण खात्‍याने कर्मचारी भरती आयोगाकडे पाठवला आहे. तर, सहाय्‍यक जिल्‍हा शिक्षण निरीक्षकांच्‍या १११ पदांच्‍या भरतीचा प्रस्‍ताव लोकसेवा आयोगाकडे पाठवण्‍यात आला आहे. २१ मुख्‍याध्‍यापकांच्‍या जागी थेट भरतीचा प्रस्‍ताव लोकसेवा आयोगाकडे असून, त्‍यावरील प्रक्रिया सुरू असल्‍याचेही मुख्‍यमंत्र्यांनी उत्तरात नमूद केले आहे.

आमदार विजय सरदेसाई यांनी एका प्रश्‍नात सरकारी प्राथमिक, माध्‍यमिक आणि उच्च माध्‍यमिक अशा एकूण ८१३ सरकारी शाळांमध्‍ये किती शिक्षक कायमस्वरूपी, कंत्राटी आणि रोजंदारीवर काम करीत आहेत, असा प्रश्‍न विचारला होता. त्‍यावरील उत्तरातून सरकारी शाळांत ५९२ शिक्षक कंत्राटी किंवा रोजंदारीवर शिकवत असल्‍याचे समोर आले आहे. सरकारी शाळांत १,५८५ शिक्षक कायमस्वरूपी, ६५ कंत्राटी आणि ५२७ रोजंदारीवरील शिक्षक असल्‍याचे मुख्‍यमंत्र्यांनी स्‍पष्‍ट केले आहे.

राज्यातील सरकारी आणि अनुदानित विद्यालयांमध्ये शिक्षक भरती करण्यापूर्वी शिक्षण खात्याने विद्यार्थी आणि शिक्षकांची संख्यात्मक माहिती संकलित करण्याचा निर्णय घेतला आहे. यासाठी विद्यालयांकडून ही माहिती मागवण्यात आली असून, शिक्षक संख्या अपुरी असलेल्या शाळांना नवीन शिक्षक भरतीसाठी परवानगी दिली जाणार आहे.

या संदर्भात आमदार एल्टन डिकोस्टा यांनी विधानसभेत लेखी प्रश्न विचारला होता, ज्याला उत्तर देताना मुख्यमंत्री डॉ. प्रमोद सावंत यांनी शिक्षणमंत्री या नात्याने स्पष्टीकरण दिले.