राज्यातील कर्जाच्या ओझ्याखाली असलेल्या शेतकऱ्यांसाठी दिलासादायक बातमी आहे. पुण्यश्लोक अहिल्यादेवी होळकर शेतकरी कर्जमुक्ती योजनेअंतर्गत सहकार विभागाने कर्जमाफीची चौथी यादी जाहीर केली आहे. या यादीत एकापेक्षा अधिक बँकांमध्ये पीककर्ज खाती असलेल्या राज्यातील १ लाख १५ हजार ६९७ पात्र शेतकऱ्यांचा समावेश करण्यात आला आहे. यामध्ये पुणे जिल्ह्यातील १६ हजार २४६, तर संपूर्ण पुणे विभागातील ३० हजार २४७ शेतकऱ्यांना स्थान मिळाले आहे. ही माहिती सहकार आयुक्त दीपक तावरे यांनी दिली. त्यामुळे कर्जमाफीच्या लाभाच्या प्रतीक्षेत असलेल्या पात्र शेतकऱ्यांचे लक्ष आता पुढील प्रक्रियेकडे लागले आहे.

शेतकरी कर्जमाफी योजनेच्या अंमलबजावणीला वेग आला असून, पात्र लाभार्थ्यांच्या खात्यांमध्ये आतापर्यंत हजारो कोटी रुपयांची रक्कम जमा करण्यात आली आहे. पुण्यश्लोक अहिल्यादेवी होळकर शेतकरी कर्जमुक्ती योजनेअंतर्गत चौथ्या यादीत पुणे विभागातील ३० हजार २४७ शेतकऱ्यांचा समावेश करण्यात आला आहे. सहकार आयुक्त दीपक तावरे यांनी दिलेल्या माहितीनुसार, बँकांनी योजनेच्या पोर्टलवर एकूण ३१ लाख १७ हजार थकीत कर्जखात्यांची माहिती अपलोड केली आहे. या माहितीवर संगणकीय प्रक्रिया केल्यानंतर आधार प्रमाणीकरण पूर्ण झालेल्या १५ लाख ८५ हजार पात्र लाभार्थ्यांच्या कर्जखात्यांमध्ये १३ हजार २७५ कोटी रुपये जमा करण्यात आले आहेत. चौथ्या यादीत पुणे जिल्ह्यातील सर्वाधिक १६ हजार २४६ शेतकऱ्यांचा समावेश असून, त्याखालोखाल सांगली जिल्ह्यातील ८ हजार ४८४ आणि सातारा जिल्ह्यातील ४ हजार २८६ शेतकऱ्यांचा समावेश आहे.

एकापेक्षा अधिक बँकांत कर्ज असलेल्यांची यादी
शेतकरी कर्जमाफी योजनेच्या माध्यमातून पात्र लाभार्थ्यांची यादी टप्प्याटप्प्याने जाहीर केली जात असून, आता चौथ्या यादीकडे शेतकऱ्यांचे लक्ष लागले आहे. पहिल्या तीन याद्यांनंतर आता चौथ्या यादीत आणखी १ लाख १५ हजार ६९७ पात्र शेतकऱ्यांची नावे आधार प्रमाणीकरणासाठी प्रसिद्ध करण्यात आली आहेत. पहिल्या यादीत १६ लाख ९६ हजार २०१, दुसऱ्या यादीत ४ लाख १९ हजार ७३७, तर तिसऱ्या यादीत ३ लाख ५१ हजार १९२ शेतकऱ्यांचा समावेश होता. अशा प्रकारे पहिल्या तीन याद्यांमध्ये एकूण २४ लाख ६७ हजार १३० पात्र शेतकऱ्यांची नावे प्रसिद्ध करण्यात आली आहेत. चौथ्या यादीत एकापेक्षा अधिक बँकांकडून पीककर्ज घेतलेल्या आणि दोन लाख रुपयांपेक्षा कमी थकबाकी असलेल्या पात्र शेतकऱ्यांचा समावेश आहे. संबंधित शेतकऱ्यांनी आधार प्रमाणीकरणाची प्रक्रिया पूर्ण करण्याकडे लक्ष देणे आवश्यक आहे.

Shetkari KarjMukti Yadi 2026 – कर्जमुक्तीसाठी पात्र ठरूनही जिल्ह्यातील हजारो  शेतकऱ्यांचे आधार प्रमाणीकरण अद्याप रखडले आहे. त्यामुळे त्यांना कर्जमुक्तीच्या लाभाची प्रतीक्षा करावी लागत आहे. शेतकऱ्यांनी तातडीने ही प्रक्रिया पूर्ण करावी, असे आवाहन जिल्हा उपनिबंधक (सहकारी संस्था) यांनी केले आहे. पुण्यश्लोक अहिल्यादेवी होळकर शेतकरी कर्जमुक्ती योजनेच्या चौथ्या यादीत जिल्ह्यातील १९ हजार १४० शेतकऱ्यांची नावे सोमवारी (दि. १२) जाहीर झाली. त्यामुळे आतापर्यंत पात्र ठरलेल्या शेतकऱ्यांची संख्या १ लाख ४६ हजार ३७१ झाली आहे. त्यापैकी १ लाख ५ हजार २०१ शेतकऱ्यांचे आधार प्रमाणीकरण पूर्ण झाले आहे. प्रमाणीकरण झालेल्या शेतकऱ्यांच्या खात्यांत शासनस्तरावरून ऑनलाइन अनुदान जमा केले जाते. पुण्यश्लोक अहिल्यादेवी होळकर शेतकरी कर्जमुक्ती योजना २०२६ अंतर्गत पात्र लाभार्थ्यांची ३ लाख ५१ हजार शेतकऱ्यांची तिसरी यादी सोमवारी सहकार विभागाने प्रसिद्ध केली आहे. त्यामुळे आज अखेर २४ लाख ६७ हजार लाभार्थी शेतकऱ्यांचा कर्जमाफीच्या यादीत समावेश झाला आहे.

१ एप्रिल २०१९ ते ३१ मार्च २०२५ या कालावधीत वितरित झालेली, ३० सप्टेंबर २०२५ पर्यंत थकीत असलेली आणि ३१ मार्च २०२६ पर्यंत परतफेड न झालेली पीककर्जे यात समाविष्ट आहेत. २ लाख रुपयांपर्यंतच्या थकीत पीककर्जांसह पुनर्गठित कर्जांचा यामध्ये समावेश आहे. तिसऱ्या यादीमध्ये अमरावती विभागात ८५ हजार ७६ शेतकरी पात्र ठरले आहेत. छत्रपती संभाजीनगरमध्ये २ लाख ६४५०, कोकण विभागात २ हजार ७५६, नागपूर विभागात ३० हजार ७३८, नाशिक विभागात १४ हजार २४४ आणि पुणे विभागात ११ हजार ९२८ शेतकरी पात्र ठरले आहेत. कर्जमाफी योजनेसाठी महाआयटीने तयार केलेल्या पोर्टलवर बँकांनी ३१ लाख १७ हजार थकीत कर्ज खात्यांची माहिती सादर केली होती. पहिल्या यादीमध्ये १६ लाख ९६ हजार शेतकऱ्यांचा समावेश होता. ४ लाख २० हजार शेतकऱ्यांची दुसरी यादी प्रसिद्ध करण्यात आली. आज ३ लाख ५१ हजार शेतकऱ्यांची तिसरी यादी आज प्रसिद्ध झाली. आधार प्रमाणीकरण झाल्यानंतर कर्जमुक्तीची रक्कम शेतकऱ्यांच्या बँकेतील कर्ज खात्यावर जमा करण्यात येणार आहे.

यादी तपासा; नाव नसेल तर सेवा केंद्रातून प्रमाणीकरण करा

पोर्टलवर प्रसिद्ध झालेल्या पात्र शेतकऱ्यांच्या याद्या गावपातळीवरील संबंधित बँक शाखा, विकास संस्था, आपले सरकार सेवा केंद्र, ग्रामपंचायत, तलाठी कार्यालय तसेच सहाय्यक निबंधक, सहकारी संस्था यांच्या कार्यालयांत उपलब्ध आहेत. पात्र शेतकऱ्यांनी जवळच्या आपले सरकार सेवा केंद्रातून आधार प्रमाणीकरण पूर्ण करावे. त्यासाठी अॅग्रीस्टॅक क्रमांक, मूळ आधार कार्ड आणि बचत खात्याचे पासबुक सोबत ठेवावे, असे स्पष्ट केले.

1.तिसऱ्या यादीमधील पात्र लाभार्थी शेतकऱ्यांची जिल्हा निहाय यादी बँक शाखा, विकास संस्था व ग्रामपंचायतीमध्ये प्रसिद्ध करण्यात आली आहे.

2. कर्ज थकबाकीची खातरजमा करून आधार प्रमाणीकरण करावेया यादीतील शेतकऱ्यांच्या कर्ज थकबाकीची रक्कम ३१ मार्च २०२६ रोजीच्या स्थितीनुसार नमूद करण्यात आली आहे.

3. १ एप्रिल २०२६ पासूनचे पुढील व्याज व इतर खर्च माफ करण्यात येणार आहेत. त्यामुळे शेतकऱ्यांनी ३१ मार्च २०२६ रोजीच्या कर्ज थकबाकीची खातरजमा करून जवळच्या आपले सेवा केंद्रावर जाऊन आधार प्रमाणीकरण पूर्ण करावे.

4. राष्ट्रीयीकृत व व्यापारी बँकांच्या यादीतील काही शेतकऱ्यांची ३१ मार्च २०२६ रोजीची कर्ज थकबाकी दोन लाख रुपयांपेक्षा अधिक असली, तरी शासनाच्या ‘हेअर कट’ धोरणानुसार संबंधित कर्जे पूर्णपणे निरंक करण्यात येणार आहेत.

5. योजनेअंतर्गत पात्र लाभार्थी शेतक-यांमध्ये मयत झालेल्या तसेच वयस्कर व बोटांच्या ठशाची नोंद होत नसलेल्या लाभार्थ्यांना कर्जमुक्तीचा लाभ देण्याचे अनुषंगाने १९ ऑगस्ट २०२६ रोजी मानक कार्यप्रणाली (एसओपी) निर्गमीत करण्यात आलेली आहे. 6. आधार प्रमाणीकरण झाल्यानंतर कर्जमुक्तीची रक्कम त्यांच्या कर्ज खात्यावर जमा करण्यात येणार आहे. त्यामुळे पात्र शेतकऱ्यांनी आवश्यक प्रक्रिया वेळेत पूर्ण करून योजनेचा लाभ घ्यावा, असे आवाहन सहकार मंत्री बाबासाहेब पाटील यांनी केले.