बेरोजगार उमेदवारांना विविध क्षेत्रात रोजगाराच्या संधी, सोमवारी रोजगार मेळावा!
Rojgar melava at dapoli
बेरोजगार उमेदवारांना विविध क्षेत्रात रोजगाराच्या संधी उपलब्ध करून देण्यासाठी मुख्यमंत्री युवा कार्य प्रशिक्षणार्थी भरती मेळावा ३० सप्टेंबरला सकाळी १० वा. दापोली औद्योगिक प्रशिक्षण संस्थेत आयोजित करण्यात आला आहे. जास्तीत जास्त उमेदवारांनी रोजगार मेळाव्यात सहभागी व्हा, असे आवाहन औद्योगिक प्रशिक्षण संस्थेचे प्राचार्य तिमथ्य शरद मिसाळ यांनी केले आहे. या मेळाव्यात जिल्ह्यातील शासकीय तसेच खासगी आस्थापनांसह सहकारी संस्थांकडील विविध आस्थापना २५०० पेक्षा अधिक पदांसाठी मुख्यमंत्री युवा कार्य प्रशिक्षणार्थीची निवड करणार आहेत. उमेदवारांनी मेळाव्याच्या दिवशी मुलाखतीवेळी बायोडाटा व इतर आवश्यक शैक्षणिक कागदपत्रांच्या प्रतींसह प्रत्यक्ष उपस्थित राहावे. रोजगार मेळाव्यात सहभागी होण्यासाठी रत्नागिरी जिल्हा कौशल्य रोजगार व नावीन्यता उद्योजकता मार्गदर्शन केंद्रात नावनोंदणी नसल्यास जिल्हा कौशल्य विकास रोजगार यांच्याकडे संपर्क साधावा, असे आवाहन केले आहे.
गेल्या अनेक वर्षांपासून खानवली विभाग हा विकासापासून वंचित राहिला आहे. आमदार राजन साळवी यांनी याकडे दुर्लक्ष केले होते. त्यामुळे ग्रामस्थ नाराज आहेत. रत्नसिंधु योजनेचे सदस्य किरण सामंत यांच्या नेतृत्वाखाली या विभागात मोठ्या प्रमाणात विकास निधी आला आहे, असे शिंदे शिवसेनेचे विभागप्रमुख अनिल गुरव यांनी सांगितले. लांजा तालुक्यातील खानवली, हर्चे, भडे, वाघ्रट, वाडीलिंबू, कोट आगरगाव, उपळे, विरगाव, आगवे, जोशी गावातील बहुसंख्य लोकांचे शिंदे शिवसेनेला पाठबळ मिळत आहे. खानवली विभागात कोट्यवधींचा निधी व त्यामुळे मोठ्या प्रमाणात होणारे पक्षप्रवेश यामुळे या विभागातील गावात शिवसेनेला चांगले दिवस आले आहेत. उबाठा गटातील अनेक शिवसैनिक शिंदे शिवसेनेच्या वाटेवर आहेत, असेही त्यांनी सांगितले.