Police Bharti Free Training

छत्रपती संभाजीनगर महानगरपालिका महिला व बालविकास विभागामार्फत महानगरपालिका हद्दीतील मुली व महिलांकरिता पोलिस भरती पूर्व प्रशिक्षण आयोजित करण्यात येणार असून, याकरिता इच्छुक प्रशिक्षणार्थीकडून अर्ज मागविण्यात येत आहे. महिला व मुलींना अधिक संधी उपलब्ध करून देण्यासाठी पोलिस भरती पूर्व प्रशिक्षण आयोजित करण्यात येत आहे.

अर्जदाराकडून प्रशिक्षणाकरिता अर्जासोबत खालील कागदपत्रे महिला व बाल कल्याण विभागात दाखल करणे आवश्यक आहे.
1) मनपा हद्दीतील रहिवासी असलेल्या 18 ते 33 वयोगटातील महिला व मुलींपैकी ज्यांची उंची 155 सें.मी. आहे त्यांनी पुढील आवश्यक कागदपत्रे उदा. मनपा हद्दीतील रहिवासी प्रमाणपत्र, किमान 10 वी उत्तीर्ण शैक्षणिक अर्हता धारण करणे आवश्यक, जातीचा दाखला व आधार कार्ड इ. कागदपत्रांसह अर्ज दाखल करावे.
2) अर्जदारांचे अर्ज प्राप्त झाल्यानंतर सर्व मुली व महिला यांची मैदानी परीक्षा व लेखी परीक्षा घेऊन त्यांची गुणवत्तेनुसार निवड करण्यात येईल. पात्र झालेल्या उमेदवारांनाच प्रशिक्षणासाठी प्रवेश दिला जाईल.
3) निवड झालेल्या प्रशिक्षणार्थीनी प्रशिक्षणास प्रवेश देण्यापूर्वी प्रशिक्षण शुल्काच्या 10% रक्कम रुपये 2500/- लेखा विभागात भरणे आवश्यक आहे. भरणा केलेली पावती सादर केल्यानंतर प्रशिक्षणार्थीना प्रवेश निश्चित करण्यात येईल.
4) सदरील अर्ज ऑफलाइन पद्धतीने महिला व बाल विकास विभागातील सौ. जयश्री दिवेकर मो. नं. 9834274698, सौ. वंदना थोरात मो. नं. 9730642110 यांच्याकडे स्वीकारले जातील, तसेच https://docs.google.com/forms/d/e/1FAIpQLScQXwZpuEeHCBcqJQqEmSp3V5P7RrvlNaSNgJgIlai 090TJaA/viewform?usp=header या गुगललिंकव्दारे ऑनलाइन पद्धतीने अर्ज नोंदणी करता येईल.
पात्र इच्छुक उमेदवारांनी परिपूर्ण अर्ज दि. 12/12/2025 ते दिनांक 22/12/2025 पर्यंत कार्यालयीन वेळेत मनपा मुख्य कार्यालय, महिला व बाल विकास विभाग येथे अथवा ऑनलाइन पद्धतीने सादर करावा. मुदतीनंतर प्राप्त होणाऱ्या अर्जाचा विचार केला जाणार नाही.

Police Bharti Free Training

जिजाऊ शैक्षणिक व सामाजिक संस्था, महाराष्ट्र यांच्या वतीने रत्नागिरी जिल्हा मर्यादित डेमो पोलीस भरतीचे आयोजन देवरुख येथे ए.एस.पी. महाविद्यालयाच्या मैदानात करण्यात आले. कार्यक्रमाचे उद्घाटन देवरुखचे पोलीस निरीक्षक उदय झावरे यांच्या हस्ते संपन्न झाले. राज्य शासनाने जाहीर केलेल्या १५ हजारांहून अधिक पोलीस भरतीच्या पार्श्वभूमीवर तरुणांना प्रत्यक्ष भरतीपूर्व तयारी व स्वतःचे मूल्यमापन करण्याची संधी देण्यासाठी ही डेमो भरती आयोजित करण्यात आली होती. संस्थेचे संस्थापक अध्यक्ष निलेश सांबरे यांच्या संकल्पनेतून हा उपक्रम राबविण्यात आला.

या डेमो भरतीला रत्नागिरी जिल्ह्यातील सर्व तालुक्यांमधून सुमारे ७५० उमेदवारांनी उपस्थिती लावली. जिजाऊ संस्थेचे मोफत निवासी प्रशिक्षण केंद्र सध्या पालघर जिल्ह्यातील विक्रमगड तालुक्यातील झडपोली येथे चालते. याच धर्तीवर रत्नागिरी शहरात १०० विद्यार्थ्यांसाठी नवीन निवासी प्रशिक्षण केंद्र सुरू करण्याचा सांबरे यांचा विचार आहे.

डेमो भरतीत उत्तीर्ण ठरलेल्या पहिल्या ७० उमेदवारांना या मोफत निवासी पोलीस भरती व स्पर्धा परीक्षा प्रशिक्षण केंद्रात प्रवेश देण्यात येणार आहे. तसेच रत्नागिरी, लांजा, सापुचेतळे, देवरुख, गुहागर, जाकादेवी येथे सुरू असलेल्या संस्थेच्या अनिवासी मोफत प्रशिक्षण केंद्रांतही सहभागी विद्यार्थ्यांना मोफत मार्गदर्शन मिळणार आहे.

Police Bharti Free Training for minority candidates  – It is necessary to create a supportive environment for youth and young women from minority communities (Muslim, Christian, Parsi, Jain, Buddhist, Sikh) to bring them into the mainstream of progress. In accordance with this, through the Minority Development Department of the Government of Maharashtra, residential police pre-recruitment training has been organized for the young men and women of the minority community.

अल्पसंख्याक समुदायातील (मुस्लिम, ख्रिश्चन, पारसी, जैन, बौद्ध, शीख ) युवक व युवतींना प्रगतीच्या मुख्य प्रवाहात आणण्यासाठी त्यांच्यात आश्वासक वातावरण निर्माण करणे गरजेचे आहे. या अनुषंगाने महाराष्ट्र शासनाच्या अल्पसंख्याक विकास विभागामार्फत अल्पसंख्याक समुदायातील युवक- युवतींसाठी निवासी पोलिस भरतीपूर्व प्रशिक्षणाचे आयोजन करण्यात आले आहे. (Police Training For youths from minority communities Resident Police PreRecruitment Training to Sambhajinagar nashik news) अल्पसंख्याक समुदायातील किमान १२ वी इयत्ता उत्तीर्ण युवक -युवतींना तीन महिन्यांच्या कालावधीचे पोलिस भरतीपूर्व निवासी प्रशिक्षण ‘प्रबोधन बहुउद्देशीय संस्थेमार्फत’ देण्यात येणार आहे. तीन महिन्याच्या प्रशिक्षण कालावधीत शारीरिक चाचणी, धावणे, गोळाफेक इत्यादींचे प्रशिक्षण उमेदवारांना देण्यात येईल. तसेच सामान्य ज्ञान, अंकगणित, चालू घडामोडी, बुद्धीमत्ता चाचणी आणि मराठी व्याकरण या लेखी परीक्षेतील विषयांचे मार्गदर्शन प्रशिक्षणार्थींना देण्यात येईल.

प्रशिक्षणात सहभागी होण्यासाठी आवश्यक शैक्षणिक पात्रता: उमेदवाराने किमान इयत्ता १२ वी उत्तीर्ण केले असणे गरजेचे आहे. १८ वर्षे ते ३३ वर्षे या वयोगटातील उमेदवार या प्रशिक्षणासाठी अर्ज करू शकतात. त्याचप्रमाणे पुरुष उमेदवारांची उंची किमान १६५ से.मी. तर महिला उमेदवारासाठी किमान उंची १५५ से.मी. असणे गरजेचे आहे. मोफत प्रशिक्षणात सहभागी होऊ इच्छिणाऱ्या उमेदवारांनी जात प्रमाणपत्र, शाळा सोडल्याचा दाखला (L.C.), एस.एस.सी., एच.एस.सी/पदवी (गुणपत्रक/प्रमाणपत्र), ३ पासपोर्ट साईज फोटोग्राफ्स, आधार कार्ड या कागदपत्रांच्या प्रत्येकी दोन छायांकित प्रतीसह पुढील पत्त्यावर अर्ज करावा अशी माहिती संस्थेचे अध्यक्ष सुनील पाटील यांनी दिली.

अधिक माहितीसाठी उमेदवार ७७२२०७००५५ / ६६ या क्रमांकांवर संपर्क साधू शकतात. अर्ज करण्याचा अंतिम तारीख २५ मे असून प्रबोधन बहुउद्देशीय संस्था संचलित स्पेक्ट्रम ॲकॅडमी ,पहिला मजला, श्रीहरी साफल्य बिल्डिंग, महात्मा फुले चौक, औरंगपुरा, छत्रपती संभाजीनगर(औरंगाबाद) येथे अर्ज स्वीकारले जाणार आहेत.