नवी मुंबई महानगरपालिकेच्या सरळसेवा भरती २०२५-२६ अंतर्गत २१ व २२ जुलै रोजी होणारी ऑनलाइन स्पर्धा परीक्षा नियोजित वेळापत्रकानुसारच पार पडणार असल्याचे महापालिकेने सोमवारी अधिकृत जाहीर सूचनेद्वारे स्पष्ट केले आहे. त्यामुळे परीक्षा रद्द झाल्याच्या चर्चांना पूर्णविराम मिळाला असून राज्यभरातील हजारो उमेदवारांना मोठा दिलासा मिळाला आहे. महापालिकेच्या सरळसेवा भरती अंतर्गत गट-अ मधील १५, गट-ब मधील ३ आणि गट-क मधील २ संवर्गातील एकूण १३२ पदांसाठी १९,२२० अर्ज प्राप्त झाले आहेत. या भरती प्रक्रियेअंतर्गत गट-अ, गट-ब व गट-क मधील सहा संवर्गांची वस्तुनिष्ठ बहुपर्यायी ऑनलाइन परीक्षा २१ व २२ जुलै रोजी टीसीएस आयओएन या नामांकित संस्थेमार्फत राज्यातील सहा जिल्ह्यांतील १३ परीक्षा केंद्रांवर आयोजित करण्यात आली आहे.

नवी मुंबई महानगरपालिकेच्या नियमीत आस्थापनेवरील “गट-अ”, “गट-ब” व “गट-क” मधील सरळसेवेच्या रिक्त पदांवर पदभरती करणेबाबतची जाहिरात क्रमांक आस्था/०२/२०२५, जाहिरात क्रमांक आस्था/०३/२०२५ व जाहिरात क्रमांक आस्था/०४/२०२५, दिनांक १४/१२/२०२५ रोजी दैनिक वृत्तपत्रांमध्ये तसेच सविस्तर जाहिरात नवी मुंबई महानगरपालिकेच्या अधिकृत संकेतस्थळावर प्रसिध्द करण्यात आलेली आहे. त्यास अनुसरून नवी मुंबई महानगरपालिका सरळसेवा भरती २०२५-२०२६ अंतर्गत गट-अ, गट-ब व गट-क मधील एकुण सहा संवर्गाची वस्तुनिष्ठ बहुपर्यायी ऑनलाईन परीक्षा दि. २१ जुलै, २०२६ व दि.२२ जुलै, २०२६ या कालावधीत घेण्यात येणार आहे. त्याचा तपशील खालीलप्रमाणे आहे.

तसेच, या परीक्षेचे सिल्याबस आणि नवीन एक्साम पॅटर्न या लिंक वर उपलब्ध आहे. 

प्रवेशपत्र डाउनलोड लिंक 

उपरोक्त तक्त्यामध्ये नमूद केलेल्या पदांसाठीच्या परीक्षेचे नियोजन केलेले असून त्या अनुषंगाने खालीलप्रमाणे सुचना निर्गमित करण्यात येत आहेत.
परीक्षेस पात्र असलेल्या उमेदवारांचे परीक्षेचे प्रवेश पत्र (Hall Ticket) नवी मुंबई महानगरपालिकेच्या www.nmmc.gov.in या संकेतस्थळावर परीक्षेपुर्वी किमान ७ दिवस अगोदर उपलब्ध करून देण्यात येईल. संबंधित उमेदवारांनी सदर संकेतस्थळावरून त्यांचे परीक्षेचे प्रवेशपत्र (Hall Ticket) डाऊनलोड करून घ्यावीत. उमेदवारांनी निवडलेले परीक्षा केंद्रच मिळेल याची हमी देता येणार नाही.
ऑनलाईन परीक्षेचे ठिकाण व वेळ याबाबी, स्पर्धा परीक्षा घेण्यात येणा-या संस्थेने उमेदवारांना दिलेल्या परीक्षेच्या प्रवेशपत्रावर (Hall Ticket) नमूद केलेले आहे. त्याप्रमाणे, संबंधीत उमेदवाराने त्या-त्या परीक्षा केंद्रावर वेळेपूर्वी हजर राहणे अनिवार्य राहील.
सदर पदभरतीकरीता परीक्षेस पात्र असलेल्या उमेदवारांनी परीक्षा घेणा-या संस्थेमार्फत त्यांना उपलब्ध करून देण्यात येणा-या प्रवेशपत्रामध्ये व माहितीपुस्तकात नमुद केलेल्या सुचनांचे काळजीपूर्वक वाचन करून त्याचे तंतोतंत पालन करावे व परीक्षा केंद्रावर वेळेवर उपस्थित राहावे, असे आवाहन परीक्षार्थीना करण्यात येत आहे.
> उमेदवाराने कोणत्याही प्रकारची गैरवर्तणुक करणे, कॉपी करणे, डमी उमेदवार बसविणे इ. कोणताही अनुचित प्रकार करून नये असे आवाहन परीक्षार्थांना करण्यात येत आहे. असा प्रकार घडल्यास त्याची गंभीर दखल घेण्यात येईल याची उमेदवारांनी नोंद घ्यावी.