चांगली नोकरी मिळवण्यासाठी अनेक तरुण प्रयत्नशील असतात. काहींना योग्य संधी लवकर मिळते, तर काहींना थोडी वाट पाहावी लागते. तुम्हीही नोकरीच्या शोधात असाल, तर ही बातमी तुमच्यासाठी महत्त्वाची ठरू शकते. राष्ट्रीय आरोग्य अभियान, पुणे अंतर्गत विविध रिक्त पदांसाठी भरती प्रक्रिया सुरू आहे. पात्र उमेदवारांकडून अर्ज मागविण्यात येत असून, यामध्ये प्रोजेक्ट को-ऑर्डिनेटर, वरिष्ठ प्रयोगशाळा तंत्रज्ञ आणि वैद्यकीय अधिकारी या पदांसाठी उमेदवारांची निवड होणार आहे.

ही भरती प्रक्रिया मुलाखतीद्वारे होणार असून, निवड झालेल्या उमेदवारांना पुण्यात कार्यरत राहावे लागेल. एकूण ३ रिक्त पदांसाठी ही भरती होणार आहे. इच्छुक उमेदवारांनी अर्ज करण्याची अंतिम तारीख ६ मार्च २०२५ आहे.

या भरतीसाठी अर्ज ऑफलाइन पद्धतीने स्वीकारले जातील. अर्ज पाठवण्यासाठी राष्ट्रीय आरोग्य अभियान, पुणे परिमंडळ, नवीन प्रशासकीय इमारत, तिसरा मजला, विधान भवन समोर, पुणे – ४११००१ या पत्त्यावर अर्ज सादर करावा लागेल.

भरती प्रक्रियेबद्दल अधिक माहिती हवी असल्यास, उमेदवारांनी https://nrhm.maharashtra.gov.in या अधिकृत वेबसाईटला भेट द्यावी.