आर्मी स्कूलमध्ये नोकरी मिळवण्यासाठी अनेक जण प्रयत्न करत असतात. परीक्षांपासून मुलाखतींपर्यंतची प्रक्रिया पार केली तरीही काही वेळा संधी हुकते. पण जर तुम्ही अजूनही आर्मी स्कूलमध्ये नोकरीच्या शोधात असाल, तर ही तुमच्यासाठी महत्त्वाची बातमी आहे!

नागपुरातील आर्मी पब्लिक स्कूलमध्ये भरती प्रक्रिया सुरू झाली आहे. मुख्य शिक्षिका, PGT, TGT, PRT, शारीरिक शिक्षण, कला-हस्तकला, संगीत शिक्षक, संगणक शिक्षक, समुपदेशक, विशेष शिक्षक, IT पर्यवेक्षक प्रभारी, प्री-PRT, लॅब अटेंडंट अशा विविध पदांसाठी ही भरती होणार आहे.

एकूण २३ रिक्त पदांवर भरती होईल. अर्ज करण्याची शेवटची तारीख १८ मार्च २०२५ आहे.

यासाठी ऑफलाईन अर्ज करावा लागणार आहे. इच्छुक उमेदवारांनी आर्मी पब्लिक स्कूल, कामठी, द मॉल रोड, कामठी कँट, नागपूर-जबलपूर रोड, पिन-४४१००१ या पत्त्यावर अर्ज पाठवावा. निवड झालेल्या उमेदवारांना नागपुरात नोकरी करावी लागेल, तसेच चांगल्या वेतनाचा लाभ मिळेल.

भरती प्रक्रियेची अधिक माहिती अधिकृत वेबसाईटवर उपलब्ध आहे:
www.apskamptee.in