देशातील दोन आघाडीच्या आयटी कंपन्यांनी कॅम्पसमधून सुमारे ३२ हजार नवोदितांची भरती ) करण्याची योजना आखली आहे. इन्फोसिस पुढील वर्षी २० हजार फ्रेशर्सची नियुक्ती करणार आहे, तर विप्रोने १० हजार ते १२ हजार फ्रेशर्सची नियुक्ती करण्याची योजना आखली आहे. शुक्रवारी तिसऱ्या तिमाहीचे निकाल जाहीर करताना विप्रोने ही माहिती दिली. आयटी क्षेत्रांत मागणी वाढत असल्याचे हे संकेत आहेत.

विप्रोचे अधिकारी सौरभ गोविल म्हणाले की, कंपनी दरवर्षी १० ते १२ हजार फ्रेशर्सची भरती करेल. यावर्षी कॅम्पसमधून १० हजार फ्रेशर्सची भरती केली जाईल. तिसऱ्या तिमाहीत कंपनीने कॅम्पसमधून सुमारे ७ हजार फ्रेशर्स भरती केली आहे.

पुढील तिमाहीत २,५०० ते ३ हजार फ्रेशर्सची भरती करण्याची योजना आहे. ते म्हणाले की, आम्ही जेवढे काम देऊ शकतो, तेवढ्याच ऑफर देत आहोत. नवीन भरतीसाठी नोकरीची सुवर्णसंधी आहे.