IT Hub Kolhapur Jobs – कोल्हापूरच्या शेंडापार्क येथे ‘आयटीहब’ उभारण्यासाठी कृषी विद्यापीठाची ३४ हेक्टर जागा हस्तांतरित करण्याचा निर्णय राज्य सरकारने घेतला. उपमुख्यमंत्री अजित पवार यांनी मंगळवारी मुंबईत सह्याद्री अतिथीगृहात घेतलेल्या बैठकीत याबाबतचे निर्देश प्रशासनाला दिले. कृषी विद्यापीठाला शेती, शिक्षण, संशोधन आदी कार्यासाठी पर्यायी जागा म्हणून कागल, पन्हाळा, हातकणंगले, राधानगरी तालुक्यातील ६० ते १०० हेक्टर एकत्रित जागेचा शोध घेण्यात यावा, येत्या दहा दिवसांत कृषी विद्यापीठाच्या सहमतीने पर्यायी जागा अंतिम करावी, असे निर्देशही पवार यांनी या बैठकीत दिले. या नवीन IT हब द्वारे निश्तिच कोल्हापुर जिल्ह्यात मोठ्या प्रमाणात नोकऱ्यांची निर्मिती होणार आहे आणि हजारो उमेदवारांना रोजगामिळ्णार हे निश्चित! तसेच पुण्यात नोकरी शोधायला जायची गरज सुद्धा राहणार नाही. 

शेंडापार्क येथील जागा देणार
शेंडापार्क येथील कृषीविद्यापीठाची जागा पूर्वी शहराबाहेर होती. ती आता शहराच्या मध्यवर्ती भागात आली आहे. ‘आयटीहब ‘सारख्या उद्योगासाठी शहरातील जागा आवश्यक असते. कोल्हापूरच्या जिल्हाधिकारी यांनी कृषी विद्यापीठाच्या मान्यतेने येत्या दहा दिवसांत पर्यायी जागा अंतिम करावी. त्या जागेच्या हस्तांतरणास मंत्रिमंडळाच्या बैठकीत मान्यता घेण्यात येईल, असेही ते म्हणाले.

या बैठकीला वैद्यकीय शिक्षणमंत्री हसन मुश्रीफ (व्हीसीद्वारे), कृषीमंत्री माणिकराव कोकाटे, कोल्हापूरचे पालकमंत्री तथा आरोग्यमंत्री प्रकाश आबिटकर (व्हीसीद्वारे), आमदार अमल महाडिक (व्हीसीद्वारे), नियोजन विभागाचे अपर मुख्य सचिव राजगोपाल देवरा, वित्त विभागाचे अपर मुख्य सचिव ओ. पी. गुप्ता, उद्योग सचिव डॉ. पी. अनबलगन, उपमुख्यमंत्र्यांचे सचिव डॉ. राजेश देशमुख, पुण्याचे विभागीय आयुक्त डॉ. चंद्रकांत पुलकुंडवार (व्ही-सीद्वारे), एमआयडीसीचे मुख्य कार्यकारी अधिकारी पी. वेलारासू, उद्योग विभागाचे विकास आयुक्त दीपेंद्रसिंह कुशवाह, कोल्हापूरचे जिल्हाधिकारी अमोल येडगे (व्हीसीद्वारे), महात्मा फुले कृषी विद्यापीठ राहीचे कुलसचिव डॉ. नितीन दानवले आदी मान्यवर
आणि वरिष्ठ अधिकारी उपस्थित होते.