चार प्राथमिक आरोग्य केंद्रात आठ पैकी सहा डॉक्टर, दोन खासगी डॉक्टरांची नियुक्ती 

तालुक्यातील चार प्राथमिक आरोग्य केंद्रात ८ वैद्यकीय अधिकाऱ्यांची पदे मंजुरात असताना ६ पदे रिक्त असल्याचा अहवाल आहे. कोरोनाच्या धर्तीवर या भागातील शासनाची आरोग्य सेवा अपुऱ्या मनुष्य बळावर कसरत करत असल्याचे चित्र आहे. तर इमर्जन्सी म्हणून दोन खासगी डॉक्टरांची नियुक्ती असल्याची माहिती यंत्रणेकडून मिळाली आहे.

रिक्त पदांचा तपशील

स्वास्थ्य अभ्यगता सोनाळा, पातुर्डा, वानखेड केंद्रात ३ पदे रिक्त आहेत. आरोग्य सेविका संग्रामपूर ३ पदे सोनाळा २, पातुर्डा १, वानखेड ३ असे एकूण ९ पदे रिक्त आहेत. आरोग्य सेवक, संग्रामपूर २ सोनाळा १, पातुर्डा १, वानखेड २ असे एकूण ६ पदे रिक्त आहेत. कनिष्ठ सहाय्यकाचे संग्रामपूरमध्ये १ पद रिक्त आहे. वाहन चालक चारही प्राथमिक आरोग्य केंद्रात रिक्त पदे आहेत. परिचरचे संग्रामपूर १, सोनाळा २, पातुर्डा २, वानखेड ३ असे एकूण ८ पदे रिक्त आहेत. सफाई कामगाराचे सोनाळामध्ये १ आणि वानखेडमध्ये १ असे २ पदे रिके आहेत. अर्धवेळ स्त्री परिचरचे संग्रामपूरमध्ये २ पदे रिक्त आहेत. आयुर्वेद वैद्यकीय अधिकारीचे वानखेड मध्ये १ पद रिक्त असल्याची माहिती कार्यालयाकडून मिळाली आहे.