Mukhyadhyapak Bharti 2026

दीर्घकाळापासून रिक्त असलेल्या मुख्याध्यापक आणि विषय शिक्षकांच्या पदांमुळे शैक्षणिक कामकाजावर होत असलेल्या परिणामाच्या पार्श्वभूमीवर शिक्षक संघटनांच्या आक्रमक पाठपुराव्याला अखेर यश मिळाले आहे. जिल्हा परिषद प्रशासनाने जवळी आणि बोथीयापालोरा येथील जिल्हा परिषद हायस्कूलमधील रिक्त मुख्याध्यापकांची पदे पदोन्नतीच्या माध्यमातून तातडीने भरण्याचा निर्णय घेतला आहे. तसेच गणित, विज्ञान आणि इंग्रजी या महत्त्वाच्या विषयांतील व्याख्यात्यांची रिक्त पदेही लवकर भरली जाणार असल्याचे प्रशासनाने स्पष्ट केले आहे.

दीर्घकाळापासून मुख्याध्यापक व विषय शिक्षकांच्या रिक्त पदांमुळे अनेक शाळांमध्ये शैक्षणिक कामकाज विस्कळीत झाले होते. विशेषतः गणित, विज्ञान आणि इंग्रजीसारख्या महत्त्वाच्या विषयांचे अध्यापन प्रभावित होत असल्याचा आरोप शिक्षक संघटनांनी केला होता. वारंवार निवेदने, बैठका आणि आंदोलनाच्या इशाऱ्यानंतर प्रशासनाने अखेर सकारात्मक भूमिका घेतली. सरळ सेवा भरतीच्या प्रतीक्षा यादीला सहा महिन्यांची मुदतवाढ देण्यात आल्याने रिक्त पदे टप्प्याटप्प्याने भरण्याचा मार्ग मोकळा झाला आहे. दरम्यान, केंद्रप्रमुख पदांच्या भरती प्रक्रियेबाबतही महत्त्वाचा निर्णय घेण्यात आला आहे. केंद्रप्रमुख पदांचे रोस्टर मंजुरीसाठी लवकरच प्रस्ताव सादर करण्यात येणार असून ५० टक्के पदे महाराष्ट्र लोकसेवा आयोगामार्फत निवड यादी प्राप्त होताच भरली जाणार आहेत.

दिरंगाईवर व्यक्त केली नाराजी
शिक्षक संघटनांनी प्रशासनाच्या दिरंगाईवर तीव्र नाराजी व्यक्त करत रिक्त पदांचा फटका थेट विद्यार्थ्यांना बसत असल्याचे सांगितले. वेळेत भरती झाली असती तर शाळांची अवस्था एवढी बिकट झाली नसती, असा आरोप केला.

Previous Posts:

There are three and a half thousand Zilla Parishad schools in the district and 457 posts of headmasters have been approved. Out of this 342 posts are working and 116 posts are vacant. Last year in February 2022, teachers were promoted and 169 posts of principals were filled. But still 116 posts are vacant. Now these promotions will be held at the end of May next month and everyone will be paying attention to how many teachers accept the promotion.

जिल्ह्यात साडेतीन हजार जिल्हा परिषद शाळा असून मुख्याध्यापकांची ४५७ पदे मंजूर आहेत. यातील ३४२ पदे कार्यरत असून ११६ पदे रिक्त आहेत. मागील वर्षी फेब्रुवारी २०२२ मध्ये शिक्षकांची पदोन्नती होऊन मुख्याध्यापकांची १६९ पदे भरली गेली. परंतु अजूनही ११६ पदे रिक्त आहेत. आता पुढील महिन्यात मे अखेर या पदोन्नती होणार असून त्यात किती शिक्षक पदोन्नती स्वीकारतात, याकडे सर्वांचेच लक्ष असेल.

सेवाज्येष्ठतेनुसार शिक्षकांना मुख्याध्यापकपदी पदोन्नती मिळते. परंतु अनेकदा पन्नाशी ओलांडलेले शिक्षक मुख्याध्यापकपदाची जबाबदारी घेण्यास टाळाटाळ करतात. बारा वर्षे सेवा झाल्यानंतर शिक्षकाची वेतनश्रेणी व मुख्याध्यापकाची वेतनश्रेणी जवळजवळ सारखीच असते. त्यामुळे पगारासाठी नव्हे तर केवळ पदासाठी काही शिक्षक मुख्याध्यापक होण्याला पसंती देतात. परंतु बदलीच्या वेळी प्रत्यक्ष समुपदेशनाच्या वेळी सोयीचे ठिकाण मिळाले नाही तर बहुदा शिक्षकांकडून पदोन्नती नाकारली जाते. हे प्रमाण अनेकदा ५० टक्क्यांपर्यंतही जाते.

तालुकानिहाय रिक्त पदे अशी –
अकोले- १०, संगमनेर ६, कोपरगाव ९, राहाता ५, श्रीरामपूर ५, राहुरी ११, नेवासा ८, शेवगाव १०, पाथर्डी ६, जामखेड ५, कर्जत ६, श्रीगोंदा ८, पारनेर १०, नगर १७

शिक्षण विभागातील अधिकाऱ्यांच्या ढिसाळ कारभारामुळे माध्यमिक विभागासाठी मंजूर असलेली मुख्याध्यापकांची १७पैकी १५ पदे आजतागायत रिक्त आहेत. तर दुसरीकडे महापालिका शाळेत प्रभारी मुख्याध्यापकपद सांभाळणारे तब्बल १५ सहाय्यक शिक्षक नऊ वर्षांपासून मुख्याध्यापक पदाच्या पदोन्नतीच्या प्रतीक्षेत आहेत. पदोन्नतीकरिता वारंवार मागणी करूनही विभागामार्फत कोणतीही कार्यवाही होत नसल्याबद्दल आश्चर्य व्यक्त केले जात आहे. याप्रकरणी आता आयुक्तांनीच लक्ष घालण्याची मागणी पदोन्नतीपासून वंचित राहिलेल्या शिक्षकांनी केली आहे.

विशेष म्हणजे प्रभारी मुख्याध्यापकपद सांभाळणाऱ्या सहाय्यक शिक्षकांना मुख्याध्यापकपदाचा कोणताही आर्थिक व अन्य सेवाविषयक लाभ मिळत नाही. त्यामुळे या शिक्षकांचे आतापर्यंत किमान १० ते १५ लाख रुपयांचे आर्थिक नुकसान झाले असल्याचे त्यांचे म्हणणे आहे. त्यामुळे पदोन्नती समितीची बैठक लवकरात लवकर आयोजित करून माध्यमिक शिक्षकांना पूर्वलक्षी प्रभावाने मुख्याध्यापक संवर्गात पदोन्नती देण्याची मागणी प्रभारी मुख्याध्यापकांनी महापालिका आयुक्तांकडे केली आहे.

Source : Mata