Elon Musk xAI India Recruitment : टेस्लाचे संस्थापक आणि जगातील सर्वात श्रीमंत व्यक्ती इलॉन मस्क भारतातून द्विभाषिक शिक्षकांची भरती करण्याच्या तयारीत आहेत. अहवालांनुसार, कंपनी हिंदी व इंग्रजी या भाषांमध्ये पारंगत असलेल्या भारतीय शिक्षकांना आपल्या संघात सामील करत आहे. कंपनीच्या AI डेटाबेसचा विस्तार करणे आणि मॉडेल्स अधिक सक्षम बनवण्याच्या उद्देशाने हा उपक्रम राबवला जात आहे. या संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

महाराष्ट्र नोकरी

xAI ची स्थापना 9 मार्च 2023 रोजी नेवाडा येथे झाली आणि सध्या कंपनी सॅन फ्रान्सिस्को बे एरियामध्ये आहे. कंपनीचे AI च्या क्षेत्रात अग्रेसर योगदान देण्याचे उद्दिष्ट आहे आणि त्यासाठी ती भाषा तज्ञांच्या मदतीने आपली AI क्षमता वाढवत आहे.

xAI मध्ये ट्यूटरच्या भूमिकेत काम करणाऱ्यांना 35-65 डॉलर प्रति तास (अंदाजे 5,500 रुपये प्रति तास) पगार मिळेल. AI मॉडेल्स सुधारण्यासाठी उच्च दर्जाचा, लेबल केलेला डेटा तयार करणे आणि भाषा शिकण्यात मदत करणे असे काम असणार आहे. यामध्ये हिंदीसह अनेक भाषांमध्ये डेटा तयार करणे आणि त्यात बदल करणे या गोष्टींचा समावेश असणार आहे.

उमेदवारांना तांत्रिक लेखन, पत्रकारिता किंवा व्यावसायिक लेखनाचा अनुभव असावा. इंग्रजी आणि हिंदी दोन्ही भाषा येणे आवश्यक आहे. याव्यतिरिक्त, एखाद्याकडे संशोधन कौशल्ये आणि विविध स्त्रोत, डेटाबेस आणि ऑनलाइन संसाधने नेव्हिगेट करण्याची क्षमता देखील असणे आवश्यक आहे.

xAI या कंपनीत केवळ हिंदीच नव्हे, तर कोरियन, व्हिएतनामी, चायनीज, जर्मन, रशियन, इटालियन, फ्रेंच, अरबी, इंडोनेशियन, तुर्की, पर्शियन, स्पॅनिश, आणि पोर्तुगीज यांसारख्या भाषांमध्येही शिक्षकांना सहकार्य करणे अपेक्षित आहे. लेखन, संशोधन आणि द्विभाषिक संवादात कौशल्य असलेल्या भारतीयांसाठी ही संधी अत्यंत मोलाची आहे. इलॉन मस्कच्या XAI मध्ये काम करण्याचा अनुभव आंतरराष्ट्रीय स्तरावर मान्यता आणि व्यावसायिक प्रगतीचे द्वार उघडू शकतो.