Bandhkam kamgar pension yojana इमारत व इतर बांधकाम कामगार कल्याणकारी मंडळाने नोंदणीकृत बांधकाम कामगारांसाठी निवृत्तीवेतन योजनेची सविस्तर कार्यपद्धती जाहीर केली आहे. वयाची ६० वर्षे पूर्ण केलेल्या आणि मंडळाकडे सलग किमान १० वर्षे नोंदणीकृत असलेल्या बांधकाम कामगारांना या योजनेचा लाभमिळणार आहे. याबाबतचा शासन निर्णय जारी करण्यात आला आहे.  ही योजना बांधकाम कामगारांच्या आर्थिक स्थैर्यासाठी महत्त्वपूर्ण पाऊल मानली जात आहे. यामुळे वृद्धापकाळात कामगारांना नियमित आर्थिक आधार मिळेल, ज्यामुळे त्यांचे जीवनमान सुधारण्यास मदत होईल. मंडळाने या योजनेची प्रभावी अंमलबजावणी सुनिश्चित करण्यासाठी सर्व संबंधित यंत्रणांना सूचना दिल्या आहेत.

निवृत्तीवेतन योजनेचे पात्रता निकष वयाची ६० वर्षे पूर्ण केलेले आणि मंडळाकडे सलग १० वर्षे नोंदणीकृत असलेले बांधकाम कामगार पात्र ठरतील. पती-पत्नी दोघेही बांधकाम कामगार असल्यास ते स्वतंत्रपणे पात्र राहतील. पती किंवा पत्नीच्या मृत्यूनंतर संबंधित जोडीदार निवृत्तीवेतनास पात्र असेल. मात्र, जोडीदाराला आधीच निवृत्तीवेतन मिळत असल्यास दुबार लाभमिळणार नाही.