Department of Stamp Duty Bharti 2024 Details |  Nondani Mudrank Vibhag Bharti 2024

 

राज्य शासनाच्या नोंदणी व मुद्रांक विभागात आता महसूल विभागातून सेवानिवृत्त झालेल्या अधिकाऱ्यांची विविध कामांसाठी करार पद्धतीने नेमणूक करण्यात येणार आहे. यामध्ये सहजिल्हा निबंधक वर्ग-१ आणि वर्ग-२, तसेच लेखाधिकारी, सहाय्यक लेखाधिकारी यांचा समावेश आहे. या पद्धतीमुळे शासन नवीन पदभरती करणार नसल्याचे स्पष्ट झाले आहे.

नोंदणी महानिरीक्षक व मुद्रांक नियंत्रक विभागात पुण्यातील असलेल्या राज्य कार्यालयात सह जिल्हा निबंधक वर्ग १ (दोन पदे), सह जिल्हा निबंधक वर्ग २ (दोन पदे), तसेच लेखाधिकारी, सहाय्यक लेखा अधिकारी (१२ पदे) अशी एकूण १६ पदे भरण्यात येणार आहेत. या पदभरतीसाठी शासकीय सेवेतून निवृत्त झालेले अधिकारी यांनाच घेण्यात येणार असल्याचे नोंदणी महानिरीक्षक व मुद्रांक नियंत्रक यांनी कळवले आहे.

सेवानिवृत्त अधिकाऱ्यांची करार पद्धतीने भरती होणार असल्यामुळे केवळ मर्जीतील अधिकाऱ्यांचीच नेमणूक होण्याची शक्यता आहे. तसेच पुन्हा या विभागात गैरप्रकार वाढण्याची शक्यता नाकारता येत नाही. या नेमणुकांमुळे नव्याने या विभागात भरती होण्याची शक्यता मावळली आहे.

---

 

Stamp Department Vacancies : There are a large number of vacancies in the Registration and Stamp Duty Department. No vacancies have been filled in the Registration and Stamp Duty Department for the last 25 years. So as per the latest news very soon recruitment of Nondani mudrank vibhag recruitment 2023 process 350 Posts will be start soon. Further details are as follows:-

 

नोंदणी व मुद्रांक शुल्क विभागात भरती प्रक्रिया राबविण्यासाठी बिंदूनामावली निश्चित करण्याचे काम सुरू करण्यात आले आहे. कर्मचाऱ्यांपासून दुय्यम निबंधकांपर्यंतची सुमारे ३५० पदांची भरती केली जाणार आहे. बिंदूनामावली निश्चित झाल्यानंतर नेमकेपणाने किती जागा भरण्याची गरज आहे, हे लक्षात येणार असल्याचे नोंदणी व मुद्रांक शुल्क विभागाकडून सांगण्यात आले.

या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

Nondani mudrank vibhag Bharti 2024

: :  मागील अपडेट्स : :

Stamp Department Recruitment 2023

शहरात दहा हजारांहून अधिक बोगस रेरा, तसेच तुकडाबंदी कायद्याचे उल्लंघन करून दस्तांची नोंदणी झाल्याचा प्रकार नुकताच उघडकीस आला आहे. या दस्तनोंदणीद्वारे कोट्यवधी रुपयांचा गैरव्यवहार झाल्याची माहिती समोर आली आहे. त्यामुळे राज्यातील सुमारे 44 दुय्यम निबंधकपदावरील अधिकार्‍यांवर नोंदणी व मुद्रांक शुल्क विभागाचे महानिरीक्षक श्रावण हर्डीकर यांनी निलंबनाची कारवाई केली.

Nondani Mudrank Vibhag Bharti 2023 

• पुणे शहरात आजमितीला 27 तर ग्रामीण भागात 21 दुय्यम निबंधक कार्यालये आहेत.
• त्या ठिकाणी दररोज मोठ्या प्रमाणात दस्तांची नोंदणी केली जाते. पुण्यासह राज्यात अनेक जिल्ह्यांमधील कार्यालयांमध्ये विविध पदे रिक्त आहेत, तर काही पदांवरील अधिकारी व कर्मचार्‍यांना पदोन्नती मिळणार आहे.
• त्यामुळे या पदावरील अधिकार्‍यांसह कर्मचार्‍यांची पदे रिक्त होणार आहेत.
• काही  अधिकारी निवृत्त होत आहेत.
• परिणामी, ती पदे रिक्त राहू नयेत, यासाठी येत्य दोन ते तीन महिन्यातं नऊशे पदे भरण्यात येणार आहेत, अशी माहिती नोंदणी महानिरीक्षक श्रावण हर्डीकर यांनी दिली.

---

 

मागील अपडेट्स :  

Registration & Stamp Duty Department Vacancy 2022

नोंदणी व मुद्रांक शुल्क विभागात (registration and stamp duty department) गेल्या काही वर्षात मोठ्या प्रमाणात पदे रिक्त आहेत. मात्र, ती पदे नेमकी किती रिक्त आहेत, याबाबत विभागच संभ्रमात असल्याचे दिसून येत आहे. स्वतः विभागाने प्रकाशित केलेल्या माहितीत देण्यात आलेल्या रिक्त पदांची संख्या आणि माहितीच्या अधिकारात देण्यात आलेल्या रिक्त जागांमध्ये तफावत असल्याचे दिसून आले आहे.

या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

गेल्या २५ वर्षांपासून नोंदणी व मुद्रांक शुल्क विभागात रिक्त पदांची भरती करण्यात आलेली नाही. त्यामुळे विद्यार्थ्यांमध्ये मोठ्या प्रमाणात रोष आहे. काही दिवसांपूर्वी विभागातील पदांबाबत माहिती समोर आली. त्यामध्ये दुय्यम निबंधक (श्रेणी-१) आणि मुद्रांक निरीक्षक या (गट ब)(अराजपत्रित) पदामधील ३९३ जागा तर वरिष्ठ लिपिक आणि पर्यवेक्षक (गट क) या पदाच्या ३९६ जागा रिक्त असल्याची माहिती समोर आली.

मात्र, २५ वर्षांपासून ज्या विभागाची पदभरतीच झालेली नाही, त्या विभागात इतकी कमी पदे रिक्त कशी याबाबत विद्यार्थ्यांमध्ये संभ्रम निर्माण झाला. त्यामुळे सूरज गज्जलवार यांनी माहितीच्या अधिकाराचा अर्ज नोंदणी महानिरीक्षक व मुद्रांक नियंत्रकाच्या पुणे कार्यालयात सादर केला. मात्र, मिळालेल्या माहितीमुळे हा संभ्रम अधिकच वाढल्याचे दिसून आले. दिलेल्या माहितीनुसार दुय्यम निबंधकांची १३८ तर वरिष्ठ लिपिक आणि पर्यवेक्षकांची (गट क) ४६ जागा रिक्त असल्याची माहिती देण्यात आली. त्यामुळे नेमक्या जागा किती याची माहिती विभागाकडे नाही काय? असा प्रश्‍न निर्माण होतोय.

---

Stamp Department Vacancies : मुद्रांक शुल्क विभागात दुय्यम निबंधक गट-ब पदांच्या एकूण ६०० जागा असून त्यापैकी नियमानुसार ३०० जागा स्पर्धा परीक्षा घेऊन भरणे अनिवार्य आहे. MPSC ने 2013 मध्ये या पदभरतीला मान्यता दिली होती. मात्र या पदाचे मागणीपत्रच जाहीर केले जात नाहीत. मुद्रांक शुल्क विभागात दुय्यम निबंधक गट-ब या पदाची स्पर्धा परीक्षेद्वारे भरती केलेली नाही. दुय्यम निबंधक गट-ब हे पद महसूल विभागाच्या दृष्टीने महत्त्वाचे पद आहे.

या पदांची भरती न झाल्याने या विभागावर कामाचा अतिरिक्त ताण वाढत चालला असून अतिरिक्त कार्यभार सोपवून, तात्पुरती पदोन्नती देऊन कार्यभार चालविला जात आहे. सन 1995 मध्ये तत्कालीन महाराष्ट्र दुय्यम सेवा निवड मंडळामार्फत शेवटची स्पर्धा परीक्षेद्वारेे याची भरती झालेली आहे. त्यामुळे या पदाची जाहिरात काढावी, अशी मागणी स्पर्धा परीक्षेच्या विद्यार्थ्यांनी केली आहे.

यासंदर्भातील अधिक माहिती आम्ही लवकरच प्रकाशित करू…