पोलीस भरती, शिक्षक भरती, सरळ सेवा भरती, आरोग्य भरती, महाराष्ट्र लोकसेवा आयोगाशी संबंधित अनेक प्रश्न प्रलंबित आहेत. नवीन पदभरती ठप्प केली आहे. राज्य सरकारला जाग येण्यासाठी म्हणून हे ऑनलाईन आंदोलन करण्यात आले.

या ऑनलाईन आंदोलनास राज्यभरातून तरुणांनी उस्फुर्त प्रतिसाद दिला. २ जुलै रोजी जवळपास ४२ हजार ट्विट करण्यात आले आहेत. दिनांक २७ जून ते २ जुलैपर्यंत सुमारे दीड लाखाहून अधिक ट्विट करण्यात आले आहेत.

पोलीस भरती, शिक्षक भरती, सरळ सेवा भरती, आरोग्य भरती, महाराष्ट्र लोकसेवा आयोगाशी संबंधित अनेक प्रश्न प्रलंबित आहेत. नवीन पदभरती ठप्प केली आहे. राज्य सरकारला जाग यावी, यासाठी हे आंदोलन करण्यात आले. प्रलंबित शिक्षक भरतीची पुढील निवड यादी जाही करा, रखडलेली पोलीस भरती तात्काळ सुरू करा, आरोग्य विभाग भरती त्वरित करा, महाराष्ट्र लोकसेवा आयोगाचे सक्षमीकरण करा, ही मागणी करत. या सर्व प्रलंबित प्रश्नांच्या बाबत सरकारला प्रश्न विचारणाऱ्या इमेज देखील आंदोलना दरम्यान तरुणांनी आपल्या समाज माध्यमांवर पोस्ट केल्या आहेत.

राज्यातील शिक्षक भरतीची प्रलंबित यादी जाहीर करणे, २०१९ मधील रखडलेली पोलीस भरती प्रिक्रिया पूर्ण करणे, महा आयटीद्वारे सरळ सेवा भरतीसाठी नेमण्यात येणाऱ्या कंपनीचे टेंडर जाहीर व्हावे, राजेश टोपे यांनी जाहीर केलेली आरोग्य विभागाची भरती तातडीने सुरू करणे अशा प्रमुख मागण्यांसाठी हे आंदोलन करण्यात आले असल्याचे देखील यादव यांनी सांगितले.