आपल्याला माहीतच असेल, विप्रो, एक आघाडीची जागतिक आयटी, कन्सल्टिंग आणि बिझनेस प्रोसेस सर्व्हिसेस कंपनी, विविध पदांसाठी भारतभर वॉक-इन ड्राईव्ह आयोजित करत आहे. या ड्राईव्हद्वारे अनुभवी उमेदवारांना कंटेंट मॉडरेशन, आऊटबाउंड सेल्स आणि कस्टमर सपोर्टसारख्या भूमिकांसाठी संधी दिली जाणार आहे. आम्ही या लेखात या विविध संदर्भात पूर्ण माहिती आणि अर्ज प्रक्रिया दिली आहे.

हैदराबाद, गुरुग्राम आणि पुणे येथे होणाऱ्या या ड्राईव्हमधून उमेदवारांना स्पर्धात्मक पगार आणि उज्ज्वल करिअरच्या संधी उपलब्ध होतील. हैदराबादमध्ये ३ ते ७ मार्चदरम्यान कंटेंट मॉडरेशनसाठी वॉक-इन ड्राईव्ह होणार असून, १ ते ४ वर्षे अनुभव असलेल्या उमेदवारांना २.२५ ते ३.५ लाख वार्षिक पगार दिला जाणार आहे. ही ड्राईव्ह विप्रोच्या गाचीबोवली, फायनान्शियल डिस्ट्रिक्ट कॅम्पसमध्ये सकाळी ९.३० ते दुपारी १२.३० या वेळेत आयोजित केली जाईल.

गुरुग्राममध्ये ३ ते ७ मार्चदरम्यान आऊटबाउंड सेल्स स्पेशालिस्ट पदासाठी वॉक-इन ड्राईव्ह होईल. या भूमिकेसाठी १ ते ४ वर्षे अनुभव आवश्यक असून, ५ ते ७ लाख वार्षिक पगार मिळू शकतो. ही ड्राईव्ह कँडोर टेक स्पेस, सेक्टर-४८, विप्रो HR सर्व्हिसेस, टॉवर २, ग्राउंड फ्लोअर येथे दुपारी १२.३० ते संध्याकाळी ४.३० या वेळेत होईल.

याशिवाय, पुण्यात २७ फेब्रुवारी ते ८ मार्चदरम्यान कस्टमर सपोर्ट असोसिएट पदासाठी वॉक-इन ड्राईव्ह आयोजित केली आहे. येथे १ ते ३ वर्षे अनुभव असलेल्या उमेदवारांसाठी २ ते ३ लाख वार्षिक पगार मिळण्याची संधी आहे. ही ड्राईव्ह विप्रो टेक्नॉलॉजीज, हिंजवडी फेज २, पुणे येथे सकाळी १०.०० ते दुपारी २.०० या वेळेत होईल. या वॉक-इन ड्राईव्हद्वारे उमेदवारांना विप्रोसारख्या नामांकित कंपनीसोबत कारकीर्द घडवण्याची संधी मिळणार आहे. इच्छुक उमेदवारांनी दिलेल्या वेळेत आणि स्थळी उपस्थित राहावे.