आताच प्राप्त बातमीनुसार, SSC म्हणजेच स्टाफ सिलेक्शन कमिशनच्या परीक्षांच्या तारखांसंदर्भात आयोगाने नवीन परिपत्रक जारी केले आहे. या परिपत्रकानुसार सीएचएसएल २०१९ टिअर १, ज्युनिअर इंजिनीअर पेपर १ २०१९, स्टेनोग्राफर ग्रुप सी आणि डी, सीजीएल २०१८ ची स्कील टेस्ट आणि अन्य परीक्षांचं शेड्युल लॉकडाऊन संपल्यानंतर प्रकाशित केलं जाणार आहे.

उमेदवारांच्या सोयीसाठी परीक्षांच्या तारखांच्या घोषणा परीक्षेच्या किमान एक महिना आधी जारी केली जाणार आहे. परिपत्रकात असंही सांगितलं आहे की देशभर लॉकडाऊनचे निर्बंध हटवण्यासंबंधी केंद्र सरकार जे निर्णय घेत आहे, ते ध्यानात घेऊन त्यानुसार परीक्षांच्या वार्षिक कॅलेंडरचा आढावा घेतला जाईल. परिपत्रकानुसार, लॉ़कडाऊन संपल्यानंतर आयोग प्रलंबित निकालाच्या तारखाची घोषणा करणार आहे. लॉकडाऊनमुळे मूल्यांकनाचे कामही पूर्ण झालेले नाही. १८ मे २०२० रोजी परिस्थितीचा आढावा घेतला जाणार आहे.