SGBAU Exam Time table

संत गाडगेबाबा अमरावती विद्यापीठाच्या हिवाळी २०२५ लेखी परीक्षेची वेळापत्रके जाहीर करण्यात आली आहेत; मात्र महानगरपालिकांच्या निवडणुकांमुळे १४ ते १६ जानेवारी २०२६ दरम्यान सुरू होणाऱ्या लेखी परीक्षा आता पुढे ढकलण्यात आल्या आहेत.

राज्यभरात महापालिकांच्या निवडणुका होणार आहेत. त्यानुसार येत्या १५ जानेवारी रोजी मतदान तर १६ जानेवारी रोजी मतमोजणी होणार आहे. त्यामुळे १४ ते १६ जानेवारीदरम्यानच्या परीक्षा पुढे ढकलण्यात आल्या असून, सदर परीक्षांमध्ये जवळपास सर्वच शाखांमधील अभ्यासक्रमांचा समावेश आहे. त्यानुसार १४ जानेवारी २०२६ रोजीच्या परीक्षा २७ जानेवारीपासून, १५ जानेवारी रोजीच्या परीक्षा २८ जानेवारी व १६ जानेवारी रोजीच्या परीक्षा २९ जानेवारी २०२६ पासून होणार आहेत. परीक्षा व मूल्यमापन मंडळाकडून याबाबत माहिती देण्यात आली. यासंदर्भात सर्व प्राचार्य, केंद्राधिकारी, संबंधित महाविद्यालये, परीक्षा केंद्र यांना पत्राद्वारे परीक्षा विभागाकडून कळविण्यात आले असून, संबंधितांनी याची सर्व विद्यार्थ्यांना जाणीव करून देणे अपेक्षित आहे, असे परीक्षा व मूल्यमापन मंडळाचे संचालक डॉ. नितीन कोळी यांनी सांगितले.