Pavitra Portal Second Round Timetable is yet under process. The candidates are waiting to declared the Second phase timetables pf pavitra portal Bharti process.

शिक्षक भरतीत पहिला टप्प्यातील शिक्षक रुजू झाले. मात्र, दुसरा टप्प्याचे वेळापत्रक जाहीर झालेले नाही. तत्कालीन सरकारने घोषणा केलेल्या बारा हजार शिक्षक भरतीचे काय असा प्रश्न डीटीएड, बीएडधारकांना पडला. त्यातच आता पवित्र प्रणालीच रद्द करण्याचा खटाटोप संस्थाचालकांकडून केला जातो आहे. त्यात शिक्षक आमदार विक्रम काळे यांनी पद्धत बंद करण्याची मागणी केली. संस्थाचालकांचा या खटाटोपाला बेरोजगार उमेदवारांनी कडाकडाडून विरोध केल्याचे चित्र आहे.

राज्यात २०१०नंतर शिक्षक भरतीची प्रक्रिया झालेली नाही. त्यानंतर पवित्र प्रणालीद्वारे शासकीय, खासगी, स्थानिक स्वराज्य संस्थांमधील शाळांमध्ये भरती प्रक्रिया राबविण्याचा निर्णय घेण्यात आला, परंतु त्याला मूर्त रूप मिळाले असले तरी अर्धवट प्रक्रिया झाली आहे. पहिल्या टप्प्यातील पाच हजार ८२२ जागांवर शिक्षक भरतीसाठी निवड यादी जाहीर करण्यात आली. सुरुवातीपासून संस्थाचालकांचा विरोध असल्याने काही दिवस कोर्टात अडकलेली प्रक्रिया मार्गी लागली. त्याच दरम्यान विधानसभा निवडणुकांमुळे प्रक्रिया अडखळली. नवीन सरकार स्थापन झाले, परंतु दुसऱ्या टप्प्यातील भरतीची प्रक्रिया कधी असा प्रश्न बेरोजगारांना पडला आहे. पहिल्या टप्प्यात जिल्हा परिषद शाळांमधील रिक्त जागांवर शिक्षक भरती करण्यात आली. खासगी संस्थांवरील मुलाखत यादी तयार आहे. आता ही प्रक्रियाच रद्द करण्याचा खटाटोप सुरू असल्याचे कळते. त्यामुळे टीईटी उत्तीर्ण, अभियोग्यता व बुद्धिमत्ता चाचणी परीक्षा उत्तीर्ण उमेदवारांमध्ये संताप व्यक्त होत आहे. भरती प्रक्रियेत संस्थाचालकांचा हस्तक्षेप, गैरप्रकार थांबविण्यासाठी प्रणाली आणली गेली. आता तीच बंद करून पुन्हा भरती प्रक्रिया करण्याची मागणी संस्थाचालकांमधून होते आहे.

Source : Maharashtra Times