नाशिक कृषी उत्पन्न बाजार समितीत नोकर भरतीला स्थगिती

Nashik Krushi Utpanna Bazar Samiti Bharti on stay

नाशिक कृषी उत्पन्न बाजार समितीच्या सभापती व सचिव यांनी सभेत गैरकामकाज व गैर नोकरभरती केल्याने, या नोकरभरतीला त्वरित स्थगिती मिळावी, असे पत्र बाजार समिती संचालक रवींद्र भोये यांनी राज्याचे सहकार व पणन मंत्री जयंत पाटील यांना दिले. या पत्राची दखल घेत मंत्र्यांनी या नोकरभरतीला स्थगिती देत वस्तुस्थितीची चौकशी जिल्हा निबंधकांनी करावी, असे आदेश दिले आहेत.

बाजार समितीच्या ६ डिसेंबर २०१९ या सभेची नोटीस नियमानुसार मुदतीत न देता पोस्टाने पाठविली असल्याचा उल्लेख संचालक भोये यांनी या पत्रात केला आहे. सभेत बेकायदेशीरपणे मनमानी करून व शासन नियमांचा भंग करून नोकरभरती संदर्भातील महेश वारुळे यांच्या नोकरी अर्जाचा विचारविनिमय करणे व ई-नाम योजनेंतर्गत भरती करणे, या दोन्ही विषयांसंदर्भात बाजार समितीने कोणत्याही स्थानिक वर्तमानपत्रात जाहिरात न देता, सेवायोजन कार्यालयाकडून परवानगी व याद्या न मागवता सभेच्या दिवशी अर्ज देऊन नियुक्तिपत्र दिले. हा पणनच्या आदेशाचा भंग असून, या माध्यमातून नवीन कर्मचारी नेमून नोकरभरती घोटाळा करण्यात आलेला आहे. या भरती प्रक्रियेला त्वरित स्थगिती देण्यात यावी, अशी मागणी भोये यांनी या पत्रात केली. बाजार समिती सभापती व उपस्थित संचालक यांना अपात्र ठरवून सचिव यांना निलंबित करण्याची मागणी भोये यांनी राज्याच्या पणन मंत्र्यांना दिलेल्या पत्रात केली आहे.

चौकशीचे आदेश

संबंधित मंत्रालय कार्यालयाने या प्रकरणी नोकरभरतीला स्थगिती देत वस्तुस्थितीची आठ दिवसांत जिल्हा निबंधकांना चौकशी करण्याचे आदेश दिले आहेत. हा अहवाल शासनाकडे तत्काळ सादर करावा, असे पत्र राज्याचे उपसचिव का. गो. वळवी यांनी जिल्हा उपनिबंधक सहकारी संस्था नाशिक व नाशिक कृषी उत्पन्न बाजार समितीचे सचिव यांना पाठविले आहे.

म. टा.


अन्य महत्वाचे जॉब्स !!

१० वी पास उमेदवारांसाठी जॉब्स१२ वी पास उमेदवारांसाठी जॉब्स
पदवीधर उमेदवारांसाठी जॉब्सपदव्युत्तर उमेदवारांसाठी जॉब्स
बँक जॉब्सइंजिनिअरिंग जॉब्स
अपंग उमेदवारांसाठी जॉब्सITI पास उमेदवारांसाठी जॉब्स
खाजगी जाहिरातसरकारी जाहिराती
वैद्यकीय जाहिरातरेल्वे जाहिराती

Leave A Reply

Your email address will not be published.

लास्ट डेट आहे : ४५ जागा-पुणे महानगरपालिका भरती २०२० | ३० पद –NHM सोलापूर २०२० | महाबीज अकोला भरती २०२० | CGHS पुणे भरती २०२०
MahaBharti.in      |        डाउनलोड महाभरती अँप