महाराष्ट्र लोकसेवा आयोगाच्या (एमपीएससी) मार्फत अन्न सुरक्षा अधिकारी पदासाठी मुख्य परीक्षा फेब्रुवारी २०२४ मध्ये घेण्यात आली होती. मात्र, अजूनही निकाल जाहीर न झाल्यामुळे परीक्षार्थी मानसिक तणावात आहेत. एमपीएससीने फेब्रुवारी २०२३ मध्ये अन्न व औषध प्रशासन सेवेतील अन्न सुरक्षा अधिकारी (गट ब) पदासाठी जाहिरात प्रसिद्ध केली होती. या संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

या प्रक्रियेदरम्यान शैक्षणिक अर्हतेबाबतचा गोंधळ निर्माण झाल्याने प्रकरण प्रशासकीय न्याय प्राधिकरणाकडे (मॅट) गेले. त्यानंतर ५ जून २०२३ रोजी पूर्व परीक्षा घेण्यात आली आणि १५ सप्टेंबर २०२३ रोजी त्याचा निकाल जाहीर झाला. मुख्य परीक्षेसाठी पात्र ठरलेल्या उमेदवारांकडून अर्ज प्रक्रिया पूर्ण झाली, आणि १० फेब्रुवारी २०२४ रोजी मुख्य परीक्षाही संपन्न झाली.

परीक्षा होऊन आता दहा महिने झाले आहेत, तरीही अद्याप निकाल प्रलंबित आहे. त्यामुळे विद्यार्थ्यांमध्ये चिंतेचे वातावरण निर्माण झाले आहे आणि लवकरात लवकर निकाल जाहीर करावा, अशी मागणी होत आहे.

परीक्षार्थ्यांनी आरोप केला आहे की, आयोगाकडे निकालाबाबत विचारणा केली असता त्यांना स्पष्ट उत्तर मिळत नाही. निकालाच्या विलंबाबाबत आयोगाने अद्याप कोणतीही माहिती देण्याची तसदी घेतली नाही, ज्यामुळे विद्यार्थ्यांना आर्थिक आणि मानसिक त्रास सहन करावा लागत आहे. अशा परिस्थितीत काही अनुचित घटना घडल्यास जबाबदार कोण असेल, हा प्रश्न परीक्षार्थ्यांकडून उपस्थित केला जात आहे.

 

MPSC विविध परीक्षांचे निकाल जाहीर होत होत आहेत. यात आज 4 सप्टेंबर 2024 रोजी स्टेनोग्राफर परीक्षेचा निकाल जाहीर झाला. खालील लिंक वरुन आपण डाऊनलोड करु शकता.

निकाल चेक करा 

आयोगाच्या (एमपीएससी) परीक्षा, निकाल, मुलाखतींच्या संथगतीबद्दल सध्या विद्यार्थ्यांमध्ये प्रचंड नाराजीचे वातावरण आहे. मागील तीन वर्षातील ‘एमपीएससी’च्या पाच महत्त्वाच्या परीक्षांचे निकाल प्रलंबित आहेत. बारा विभागांमधील विविध पदांच्या परीक्षा रखडलेल्या असून तीन विभागांच्या मुलाखती बाकी आहेत. पाच परीक्षांचा अभ्यासक्रम प्रलंबित आहे. काही परीक्षांच्या जाहिराती प्रसिद्ध झाल्यात मात्र, पुढे काहीच झालेले नाही.

करोनानंतर ‘एमपीएससी’ परीक्षा आणि निकालाची घडी काहीशी रुव्ळावर आली होती. परंतु, मागील वर्षभरापासून ही घडी विस्कटली आहे. निवडणुकीचे कारण देत महाराष्ट्र दुय्यम सेवा अराजपत्रित गट न्य मुख्य परीक्षा २०२२ मधील पोलीस उपनिरीक्षक संवर्गातील शारीरिक चाचणी पुढे ढकलण्यात आली. दोन वर्षापासून उमेदवार वा परीक्षेची वाट बघत होते. २८ एप्रिल रोजी होणारी ‘महाराष्ट्र राजपत्रित नागरी सेवा संयुक्त पूर्व परीक्षा २०२४’, तसेच १९ मे रोजी होणाऱ्या ‘समाज कल्याण अधिकारी गट ब’, ‘इतर मागास बहुजन कल्याण अधिकारी गट ब’ या परीक्षा पुढे ढकलण्यात आल्या. अनेक परीक्षांचे अभ्यासक्रम दीड वर्षांपासून जाहीर झाले नाहीत, तर औषध निरीक्षक, वन सेवा गट- अ, सहाय्यक आयुक्त भरती आदी परीक्षा रखडलेल्या आहेत.

महाराष्ट्र लोकसेवा आयोगाकडून राज्यसेवा परीक्षा 2019 चा अंतिम सुधारित निकाल जाहीर केला आहे. एमपीएससीनं या सदंर्भात परिपत्रक जारी केलं आहे. एमपीएससी 2019 राज्यसेवा परीक्षेतील 413 पदांचा निकाल जाहीर झाल्यानं विद्यार्थ्यांमध्ये आनंदाचं वातावरण निर्माण झालं आहे. एमपीएससी 413 पदांचा निकालाची विद्यार्थ्यांना गेल्या दोन वर्षांपासून प्रतीक्षा होती. अखेर निकाल अखेर जाहीर झाल्यानं विद्यार्थ्यांनी राज्य सरकारचे आभार मानले होते. राज्यसेवा मुख्य परीक्षा 2019 चा सुधारित अंतिम निकाल व गुणवत्ता यादी आयोगाच्या संकेतस्थळावर प्रसिद्ध करण्यात आली आहे.

राज्यसेवा मुख्य परीक्षा 2019 चा सुधारित अंतिम निकाल व गुणवत्ता यादी आयोगाच्या संकेतस्थळावर प्रसिद्ध करण्यात आली आहे. https://t.co/j9zwBb78bI

07/2019- State Services Main Examination-2019- Announcement Regarding Revised Final Result

07/2019- State Services Main Examination-2019- Revised Merit List

07/2019- State Services Main Examination-2019- Revised Final Result

निकालासाठी विद्यार्थ्यांचा पाठपुरावा
महाराष्ट्र लोकसेवा आयोगातर्फे जाहीर करण्यात आलेल्या 2019 च्या राज्यसेवा परीक्षेतील उत्तीर्ण विद्यार्थ्यांनी नियुक्त्या मिळाव्यात म्हणून आक्रमक भूमिका घेतली होती. राज्य सेवा परीक्षा होऊन दोन वर्षांचा कालावधी झाला आहे. अद्यापही नियुक्ती न मिळालेल्या विद्यार्थ्यांनी आक्रमक भूमिका घेत आत्मदहनाचा इशारा दिला होता. 10 सप्टेंबर पुर्वी नियुक्त्या द्या, अन्यथा एमपीएससी कार्यालयासमोर विद्यार्थ्यांचा आत्मदहनाचा इशारा विद्यार्थ्यांच्यां वतीनं देण्यात आल्यानंतर आयोगानं निकालाविषयी भूमिका जाहीर केली होती. महाराष्ट्र लोकसेवा आयोगानं विद्यार्थ्यांना नियुक्त्या द्याव्यात यासाठी पत्र दिलं होतं. उपजिल्हाधिकारी, पोलीस उप अधीक्षक, तहसीलदार, गटविकास अधिकारी, या 413 पदांच्या नियुक्त्या रखडल्या होत्या आता निकाल जाहीर झाल्यानं विद्यार्थ्यांमध्ये आनंदाचं वातावरण आहे.

राज्यसेवा मुख्य परीक्षा 2020 येत्या चार डिसेंबरला

राज्यसेवा मुख्य परीक्षा 2020 ची तारीख जाहीर जाहीर करण्यात आली आहे. येत्या चार डिसेंबरला ही परीक्षा घेतली जाईल. या मुख्य परीक्षेसोबतच महाराष्ट्र अभियांत्रिकी सेवा मुख्य परीक्षेचीही तारीख जाहीर करण्यात आली आहे. अभियांत्रिकी सेवा मुख्य परीक्षेचे आयोजन येत्या 18 डिसेंबर रोजी केले जाईल. मुख्य परीक्षेची तारीख जाहीर करण्याची आयोगाकडे विद्यार्थी करत होते मागणीय. एमपीएससी आयोगाने या तारख्या जाहीर केल्या आहेत.

सहा केंद्रांवर परिक्षेचे आयोजन

मागील अनेक दिवसांपासून विद्यार्थी मुख्य परीक्षेची तारीख जाहीर करावी अशी मागणी करत होते. विद्यार्थ्यांच्या या मागणीची दखल घेत एमपीएससी आयोगाने या परीक्षांबाबत स्वतंत्र परिपत्रक काढलं. तसेच या परिपत्रकाद्वारे राज्यसेवा मुख्य परीक्षा 2020 तसेच अभियांत्रिकी सेवा मुख्य परीक्षा यांच्या तारखा जाहीर केल्या. या परीक्षा राज्यात एकूण सहा केंद्रावर आयोजित केल्या जाणार आहेत. औरंगाबाद, अमरावती, मुंबई, नागपूर ,नाशिक, पुणे या जिल्ह्यांतील केंद्रावर या परीक्षांचे आयोजन केले जाणार आहे.