Maharashtra Nursing Admission 2025

Maharashtra Nursing Admission 2025 :महाराष्ट्रातील बी.एस्सी. नर्सिंग अभ्यासक्रमासाठी प्रवेशप्रक्रिया अखेर सुरू झाली आहे. राज्य सामाईक प्रवेश परीक्षा कक्ष (सीईटी सेल) ने ही प्रक्रिया सुरु केली असून इच्छुक विद्यार्थ्यांना १७ जुलै २०२५ पर्यंत ऑनलाइन अर्ज करता येणार आहे. या  संदर्भातील पुढील सर्व अपडेट्स वेळेवर मिळण्यासाठी महाभरती अधिकृत व्हाट्सअँप चॅनल या लिंक वरून लगेच जॉईन करा  किंवा  मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

राज्यातील शासकीय नर्सिंग महाविद्यालयांमध्ये बी.एस्सी. नर्सिंगच्या एकूण १२,९०० जागा उपलब्ध आहेत. याशिवाय खासगी संस्थांमध्ये देखील हजारो जागा असून, त्यांची फी शासकीय महाविद्यालयांच्या तुलनेत अधिक असल्याने विद्यार्थ्यांचा कल शासकीय जागांकडे अधिक आहे.

एप्रिल महिन्यात झालेल्या सीईटी परीक्षेसाठी ४७ हजारांहून अधिक विद्यार्थ्यांनी नोंदणी केली होती, तर त्यापैकी ४३ हजारांपेक्षा अधिक विद्यार्थ्यांनी प्रत्यक्ष परीक्षा दिली. मे महिन्यात निकाल जाहीर करण्यात आला होता. मात्र, प्रवेश प्रक्रियेबाबत अधिकृत माहिती जाहीर न झाल्याने अनेक विद्यार्थी आणि पालक चिंतेत होते.

सीईटी सेलने आता प्रवेशासाठी १७ जुलैपर्यंत ऑनलाइन अर्ज भरून शुल्कासह तो निश्चित करण्याची संधी दिली आहे. अर्ज भरताना सर्व मूळ कागदपत्रे रंगीत स्वरूपात स्कॅन करून संकेतस्थळावर अपलोड करणे आवश्यक आहे. त्यानंतर पुढील टप्प्यांचे वेळापत्रक अधिकृत संकेतस्थळावर प्रसिद्ध केले जाईल.

सीईटी सेलने स्पष्ट केले आहे की, अर्ज भरण्यापूर्वी विद्यार्थ्यांनी सर्व माहिती काळजीपूर्वक वाचावी, चुकीची माहिती दिल्यास प्रवेश रद्द केला जाऊ शकतो. तसेच कागदपत्रे अपलोड करताना मुदतीपूर्वी ती पडताळणीसाठी पूर्ण करावीत, असे आवाहनही करण्यात आले आहे.

Maharashtra Nursing Admission 2024

Maharashtra Nursing Admission 2024: भारतीय नर्सिंग कौन्सिलने विविध नर्सिंग अभ्यासक्रमांच्या प्रवेश प्रक्रियेला आणखी एकदा मुदतवाढ दिली आहे. यामध्ये बीएससी नर्सिंग, एमएससी नर्सिंग, एएनएम, जीएनएम, पीबीबीएससी नर्सिंग, पोस्ट बेसिक डिप्लोमा आणि क्रिटिकल केअर नर्सिंग (एनपीसीसी) या अभ्यासक्रमांचा समावेश असून, विद्यार्थ्यांना आता ३० नोव्हेंबरपर्यंत अर्ज करता येणार आहे. या  संदर्भातील पुढील सर्व अपडेट्स वेळेवर मिळण्यासाठी महाभरती अधिकृत व्हाट्सअँप चॅनल या लिंक वरून लगेच जॉईन करा  किंवा  मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

पूर्वी प्रवेशासाठी अंतिम मुदत ३० सप्टेंबर होती, जी नंतर ३१ ऑक्टोबरपर्यंत वाढवण्यात आली होती. मात्र, अद्याप प्रवेश प्रक्रिया सुरू असल्यामुळे कौन्सिलने ही तिसरी मुदतवाढ दिली आहे.

नर्सिंग प्रवेशात वाढ होण्याची शक्यता

भारतीय नर्सिंग कौन्सिलने प्रवेश प्रक्रियेला मुदतवाढ देताना प्रवेशासंदर्भात नव्या मार्गदर्शक तत्त्वांचे निर्देश जारी केले आहेत. ३१ ऑक्टोबरपर्यंत झालेले प्रवेश नियमित समजले जातील, तर १ नोव्हेंबरपासून ३० नोव्हेंबरदरम्यान होणारे प्रवेश अनियमित गटात समाविष्ट केले जातील, असे कौन्सिलने स्पष्ट केले आहे.

या मार्गदर्शक तत्त्वांचे पालन करण्याचे निर्देश सर्व नर्सिंग महाविद्यालयांना देण्यात आले आहेत. यामुळे मुदतवाढ दिल्यानंतर नर्सिंग अभ्यासक्रमांच्या प्रवेश संख्येत वाढ होण्याची शक्यता व्यक्त होत आहे.