मागेल त्याला काम द्या, अशा सूचना सर्व जिल्हाधिकाऱ्यांना देण्यात आल्या आहेत. त्यामुळं अजिबात काळजी करू नका. मागेल त्याला काम नक्कीच मिळेल, अशा शब्दांत मुख्यमंत्री उद्धव ठाकरे यांनी श्रमिकांना दिलासा दिला आहे. मजुरांमध्ये करोनाचा संसर्ग फैलावणार नाही याची खबरदारी घेऊन, श्रमिकांना काम उपलब्ध करून दिले जात असल्याचंही ते म्हणाले.

राज्यात लॉकडाऊन लागू करण्यात आला आहे. हा लॉकडाऊनचा चौथा टप्पा ३१ मे पर्यंत आहे. करोनाचा प्रादुर्भाव नसलेल्या ठिकाणी रोजगार हमी योजनेची कामे मोठ्या प्रमाणात हाती घेण्यात आली आहेत. विविध जिल्ह्यांत ४६,५३९ कामे सुरू आहेत. तिथे ५, ९२, ५२५ मजूर आहेत, अशी माहितीही त्यांनी दिली.