राज्यातील विविध सरकारी योजनांचा लाभ घेणाऱ्या आणि घरी चारचाकी वाहन असलेल्या तब्बल पाच लाख महिलांना ‘मुख्यमंत्री माझी लाडकी बहीण’ योजनेतून अपात्र ठरवण्यात आले आहे. मात्र, या महिलांना आतापर्यंत दिलेल्या अनुदानाची रक्कम परत मागितली जाणार नसल्याचे उपमुख्यमंत्री अजित पवार यांनी स्पष्ट केले आहे.महिला व बालविकास विभागाने २८ जून २०२४ आणि ३ जुलै २०२४ रोजीच्या शासन निर्णयानुसार ही कारवाई केल्याची माहिती मंत्री अदिती तटकरे यांनी दिली. शासनाने ठरवलेल्या निकषांत बसत नसल्याने या महिलांना योजना लाभ मिळणार नाही.

योजना अपात्र ठरलेल्या महिलांची संख्या:

• संजय गांधी निराधार योजनेच्या लाभार्थी: २ लाख ३० हजार
• ६५ वर्षांपेक्षा जास्त वयाच्या महिला: १ लाख १० हजार
• कुटुंबातील सदस्यांच्या नावावर चारचाकी वाहन असलेल्या, नमोशक्ती योजनेच्या लाभार्थी किंवा स्वेच्छेने नाव मागे घेणाऱ्या महिला: १ लाख ६० हजार
• एकूण अपात्र महिलांची संख्या: ५ लाख

राज्य शासनाने घेतलेल्या या निर्णयामुळे अनेक महिलांना या योजनेच्या लाभापासून वंचित राहावे लागणार आहे.

 

आगामी महापालिका निवडणूक झाल्यावर महायुती सरकार अपात्र बहिणींची यादी वाढवून ही योजना बंद करेल, अशी भीती शिवसेना (ठाकरे) पक्षाचे नेते आदित्य ठाकरे यांनी व्यक्त केली होती. त्याला उत्तर देताना आदिती तटकरे यांनी ‘स्वत:हून पैसे परत देणाऱ्या अपात्र लाडक्या बहिणींचे पैसे परत घेतले जातील, पण पडताळणीत अपात्र ठरणाऱ्या बहिणींचे पैसे परत घेतले जाणार नाहीत, असे स्पष्ट केले. Ladki Bahin Payment New Update  ‘लाडकी बहीण’ योजनेवरून सध्या उलट सुलट चर्चा सुरू आहे. चार ते साडेचार हजार लाडक्या बहिणींनी ही योजना बंद करण्यात यावी, असे अर्ज केले आहेत. ही यादी प्रत्येक दिवस वाढत आहे. या योजनेची पडताळणी करताना कुटुंबाचे उत्पन्न तपासण्यासाठी आयकर विभाग, तर घरात चार चाकी वाहन आहे का हे पाहण्यासाठी परिवहन विभागाची मदत घेतली जाणार असल्याचे तटकरे यांनी जाहीर केले आहे. त्याचा धसका अनेक लाडक्या बहिणींनी घेतला.

काही बहिणींनी स्वत:हून ही योजना नको, असे अर्ज केले आहेत. त्यांना देण्यात आलेला पाच महिन्यांचा लाभ सरकारी तिजोरीत शासकीय चलनाने परत घेतला जाणार आहे. स्वेच्छेने योजना नाकारणाऱ्या लाडक्या बहिणींचे पैसे परत घेतले जाणार आहेत. पण पडताळणीत अपात्र ठरणाऱ्या लाडक्या बहिणींकडून दिलेला लाभ परत घेतला जाणार नाही, असा दावा आदिती तटकरे यांनी केला. दरम्यान, अपात्रतेचा शिक्का बसणाऱ्या प्रत्येक बहिणीकडून सरकारी लाभ परत घ्यावा लागणार असल्याचा ठाम विश्वास या विभागाचे वरिष्ठ अधिकारी व्यक्त करीत आहेत.