आताच प्राप्त नवीन माहिती नुसार, मुख्यमंत्री माझी लाडकी बहीण योजने अंतर्गत 31 जुलैपर्यंत मंजूर करण्यात आलेल्या अर्जानुसार दि. 17 ऑगस्ट पर्यंत लाभ वितरण करण्यात आले आहे. तसेच आता  पर्यंत ई- केवायसी (आधार सिडींग) अभावी प्रलंबित अर्ज व नव्याने मंजूर करण्यात आलेल्या अर्जानुसार लाभ वितरणाचा दुसरा टप्पा (Ladki Bahin Yojana Labh Vitaranacha Dusra Tappa) 31 ऑगस्ट रोजी होण्याची शक्यता असल्याने जिल्हयातील सर्व लाभार्थी महिलांनी त्यांचे बँक खात्याची आधार सिडींग करुन ई – केवायसी प्रक्रीया तातडीने पूर्ण करण्याचे आवाहन शासन मार्फ केले आहे.

तसेच, ‘मुख्यमंत्री-माझी लाडकी बहीण’ योजनेतील पात्र लाभार्थ्यांना देण्यात येणाऱ्या लाभाच्या दुसऱ्या टप्प्याचा राज्यस्तरीय कार्यक्रम येत्या ३१ ऑगस्ट रोजी रेशीमबाग मैदानावर आयोजित करण्यात आला आहे. या कार्यक्रमात ५० लाख पात्र लाभार्थ्यांच्या खात्यात योजनेचे पैसे थेट जमा होणार आहेत. हा मेळावा 31 ऑगस्टला होणार आहे. या माध्यमातून ऑगस्ट महिन्यात अर्ज दाखल केलेल्या महिलांच्या खात्यात जुलै आणि ऑगस्ट महिन्याचे तीन हजार रुपये पाठवण्यात येणार आहेत, अशी माहिती अदिती तटकरे यांनी दिली. दुसरा राज्यस्तरीय डीबीटी निधी वितरण सोहळा 31 ऑगस्टला नागपूरमध्ये रेशीमबाग येथे होत आहे. ज्या महिलांनी ऑगस्ट महिन्यात अर्ज सादर केले आहेत. त्यांच्या अर्जांची छाननी सुरु असून त्यांना 31 ऑगस्टला पैसे मिळतील, असं अदिती तटकरे म्हणाल्या.

या योजना लाभ घेण्यासाठी लाभार्थी महिलांनी आपल्या आधार कार्डाची बँक खात्याशी सीडिंग करणे अत्यंत आवश्यक आहे. आधार सीडिंग प्रक्रिया पूर्ण केल्यानंतरच, दुसऱ्या टप्प्यातील 4500 रुपये मिळतील. आधार सीडिंग न केल्यास, योजनेचा लाभ मिळू शकणार नाही. जर तुमचे आधार कार्ड बँक खात्याशी सीड झाले असेल आणि अन्य अटींमध्ये आपला फॉर्म पास झाला, तर तुम्ही 4500 रुपये मिळवण्यास पात्र आहात.