शिक्षण व्यवस्थेमध्ये इतर विषयांच्या बरोबर शारीरिक शिक्षण हा अत्यंत महत्त्वाचा विषय असून या विषयामुळे विद्यार्थ्यांचा सर्वांगीण व्यक्तिमत्व विकास होण्यास मदत होते. त्यामुळे राज्यात शारीरिक शिक्षकांची पदे पूर्ण क्षमतेने भरण्याची मागणी शालेय शिक्षण मंत्री दादा भुसे यांच्याकडे महाराष्ट्र राज्य युवा शारीरिक शिक्षण शिक्षक महासंघाच्यावतीने निवेदनाद्वारे करण्यात आली. मालेगाव व नाशिक येथील दादा भुसे यांच्या निवासस्थानी शिक्षकांच्या वतीने हे निवेदन देण्यात आले. यावेळी शारीरिक शिक्षण शिक्षकांचे मार्गदर्शक अमोल जोशी, स्वप्निल करपे, कुणाल शिंदे, एस. एम. इनामदार यांनी ना. भुसे यांना निवेदन देऊन शारीरिक शिक्षण शिक्षकांच्या प्रश्नांसंदर्भात सविस्तर चर्चा केली.

सोलापूर जिल्ह्यातील जिल्हा परिषद, महापालिका आणि खासगी अनुदानित शाळांमध्ये क्रीडा शिक्षकांच्या हजारो जागा रिक्त आहेत. उन्हाळी सुट्टीनंतर काही नवीन शाळा सुरू झाल्यामुळे ही गरज आणखी वाढली आहे. तथापि, हे रिक्त पदे वेळेत भरली जात नसल्याने विद्यार्थ्यांच्या आरोग्य व शारीरिक तंदुरुस्तीवर गंभीर परिणाम होत आहेत. पालकांमध्ये संताप वाढत असून, पदांची तातडीने भरती होण्याची मागणी जोर धरत आहे

शासनाने गेल्या दोन वर्षांत विविध विषयांमध्ये २०,००० शिक्षकांच्या पदांची भरती केली आहे, परंतु क्रीडा शिक्षकांची भरती अपेक्षेइतकी झाली नाही, अशी तक्रार क्रीडा शिक्षकांच्या संघटनांकडून केली जात आहे.