Kolhapur Police Patil Bharti 2024 -आत्ताच प्राप्त माहिती नुसार, कोल्हापूर जिल्ह्यात  शाहूवाडीत ३२, तर पन्हाळ्यात १७ पोलिस पाटील पदे सध्या रिक्त आहेत. पोलीस पाटील म्हणजे गावकरी आणि शासन यातील एक महत्वाचा दुवा आहे. पोलीस पाटील हे गावातील अवैध धंद्यांची माहिती पोलिसांना देणे, गुन्ह्यांच्या तपासात मदत करणे आदी जबाबदाऱ्या असणारी ही पदे रिक्त राहिल्याने कायदा व सुव्यवस्थेचा प्रश्न ऐरणीवर आला आहे. शासनाने रिक्त जागी पदे भरावीत, अशी मागणी होत आहे. शाहूवाडीतील वाडीचरण, निळे, केर्ले, येळाणे, माण, सावे, आंबा, शेंबवणे, कडवे, आंबर्डे, करंजोशी, इजोली, बुरंबाळ, करंजफेण, येळवण जुगाई, आकुळें, पाटणे, पुसाळें, वाकोली, परळे निनाई, सोडोली, खेडे, अमेणी, गावडी, आदी ठिकाणी पोलिसपाटील पदे रिक्त आहेत. पन्हाळा तालुक्यातील माजगाव, बांदिवडे, तळेवाडी, पुनाळ, सावर्डे, असंडोली, पडसाळी, वाडी रत्नागिरी, गोगवे, बहिरेवाडी, पिंपळे तर्फ ठाणे, वाशी, आदी गावांत पदे रिक्त आहेत. या भरती संदर्भातील पुढील सर्व अपडेट्स वेळेवर मिळण्यासाठी महाभरतीची अधिकृत मोबाईल अँप येथे क्लिक करून लगेच आपल्या मोबाईल मध्ये डाउनलोड करा.

या गावांतील कारभार आजूबाजूच्या गावातील पोलिसपाटील यांच्यावर आहे. यामुळे त्यांच्यावर कामाचा बोजा पडला आहे. रिक्त पदांमुळे १७ ठिकाणी कायदा व सुव्यवस्थेचा बोजवारा उडाला आहे. या ठिकाणी कायमस्वरूपी पोलिस पाटलाची नेमणूक करावी व ग्रामस्थांची गैरसोय दूर करावी, अशी मागणी होत आहे.